Hałoŭny trenier zbornaj Biełarusi pa chakiei Eduard Zankaviec raspavioŭ pra mety kamandy na čempijanacie śvietu ŭ Słavakii, jaki startuje 29 krasavika.
«Naša zadača — trapić u čverćfinał. Kali dasiahniem hetaj mety, budziem staracca prajści dalej. U mianie aptymistyčny nastroj, ale adznačyŭ by, što ŭzrovień kamandaŭ na hetym čempijanacie vyšejšy, čym na papiarednim», — skazaŭ Zankaviec.
Trenier taksama adznačyŭ, što ŭ druhuju kamandu adpraŭlenyja Andrej Antonaŭ, Ivan Usienka i Alaksiej Jafimienka, ale jany mohuć atrymać miesca ŭ zbornaj u vypadku niehatoŭnaści abo traŭmy adnaho z chakieistaŭ asnoŭnaha składu. Z druhoj zbornaj taksama rychtujecca hałkipier Siarhiej Šabanaŭ.
Napiaredadni adjezdu kamanda taksama praviała viečar u niefarmalnaj abstanoŭcy.
«Źjeździli z chłopcami na šašłyk.
Atrymaŭsia siamiejny abied. Jak vy mahli bačyć pa hatoŭnaści chakieistaŭ na siońniašniaj treniroŭcy, ničoha bolš hety abied nie ŭklučaŭ», — skazaŭ Eduard Zankaviec.
