Srodki masavaj infarmacyi stali zbrojaj ažyćciaŭleńnia palityki Zachadu, zajaviŭ Alaksandr Łukašenka ŭ svaim zvarocie da nacyjanalnaha schodu i naroda.
«Vaźmicie [telekanał] «Jeŭrańjus». Jak jany siabie pavodziać. Hety srodak masavaj infarmacyi staŭ zbrojaj u rukach bandytaŭ». Tak Łukašenka acharaktaryzavaŭ aśviatleńnie telekanałam padziej u Jehipcie i Livii. Na dumku Łukašenki, tam adbyvajecca zvyčajnaja baraćba da dostup da resursaŭ, a zachodnija ŚMI padajuć heta jak zmahańnie narodaŭ za svabodu i samavyznačeńnie.
Nie vyklučana, što paśla takoj zajavy kabielnyja apieratary prymuć «Jeŭrańjus» ź sietki kanałaŭ. Varta adznačyć, što rasiejskaja viersija «Jeŭrańjus» adroźnivajecca cenzuravańniem infarmacyi pra padziei na ŭschodzie Jeŭropy. Jany starajucca abychodzić vostryja temy i ŭ dačynieńni da Biełarusi.
