U Maskvie vykradzieny syn zasnavalnika kampanii «Łabaratoryja Kaśpierskaha» Jaŭhiena Kaśpierskaha —20-hadovy Ivan Kaśpierski. Jaho miescaznachodžańnie nieviadomaje.
Ivan Kaśpierski
Vykradalniki schapili jaho ranicaj 19 krasavika ŭ rajonie pramzony na paŭnočnym zachadzie Maskvy, niepadalok ad skryžavańnia praśpiekta Maršała Žukava i MKAD, kali Ivan išoŭ na pracu. Syn stvaralnika achoŭnaj kamputarnaj prahramy zajmaŭsia prajektam svajoj dypłomnaj pracy i adnačasova pracavaŭ u kampanii InfoWatch svajoj maci Natalli Kaśpierskaj, suzasnavalnicy ZAT «Łabaratoryja Kaśpierskaha». Jaho vykrali prosta pobač z ofisam.
U toj ža dzień złačyncy źviazalisia ź jaho baćkam pa telefonie i zapatrabavali vykup u 3 miljony jeŭra,paviedamlaje LifeNews. Jaŭhien Kaśpierski, jak tolki daviedaŭsia pra heta, vylecieŭ z Łondana ŭ Maskvu.
U MDU, dzie chłopiec vučycca na čaćviertym kursie fakulteta vyličalnaj matematyki i kibiernietyki, zajavili, što da niadaŭniaha času Ivan naviedvaŭ univiersitet rehularna, a potym źnik. «Apošni raz ja jaho bačyła dva ci try tydni tamu, kali jon u kalidory razmaŭlaŭ sa svaim vykładčykam, — raskazała adna z supracoŭnic VNU. — Da nas užo prychodzili z hetaj nahody z pravaachoŭnych orhanaŭ, ale my ničoha nie viedajem».
Adznačym, što ŭ syna śpiecyjalista pa kamputarnaj iNie vyklučana, što złačyncy sabrali infarmacyju pra Ivana, vykarystoŭvajučy takija adkrytyja krynicy.internet-biaśpiecy ŭ sacyjalnaj sietcy «Vkontaktie» byŭ napisany adras jaho pražyvańnia z vulicaj i numaram doma, z ukazańniem, što žyvie jon tam z 1991 hoda, a taksama adras jaho pracy na stancyi mietro «Strohina».
Jak adznačaje Marker, paśla taho, jak stała viadoma pra vykradańnie Ivana, jaho asabistaja staronka «Vkontaktie» raptam źmianiłasia. Nałady pryvatnaści zrabilisia žorstkimi da maksimumu (schavanyja asabistyja dadzienyja, začynienyja albomy, zabaronienyja paviedamleńni i da t.p.). Pry hetym karystalnik Ivan Kaśpierski niekatory čas znachodziŭsia ŭ anłajnie. Administracyja sacsietki admoviłasia kamientavać situacyju. Krynica ŭ kampanii paviedamiła, što zvyčajna źmieny profilaŭ ŭ adsutnaść ich uładalnikaŭ robiacca na zapyt pravaachoŭnych orhanaŭ. Časam z takoj prośbaj źviartajucca i svajaki ŭładalnika profilu, taksama praź siłavikoŭ.
Na pošuki vykradalnikaŭ kinutyja ŭsie mahčymyja siły: palicyja, FSB, kryminalny vyšuk. Pakul aficyjna ŭ śpiecsłužbach infarmacyju ab vykradańni Ivana Kaśpierskaha nie kamientujuć, adnak paćviardžajuć, što Ivan źnik i ŭ Maskvie viaducca jaho vyšuki. «Pieršapačatkova jaho vyšukam zajmalisia supracoŭniki śpiecsłužbaŭ, praz dva dni da pošukaŭ padklučylisia supracoŭniki palicyi», — zaznačyła ananimnaja krynica.
Nahadajem, što, pavodle dadzienych Forbes, Jaŭhien Kaśpierski zajmaje
Maci vykradzienaha Natalla Kaśpierskaja — hienieralny dyrektar «Łabaratoryi Kaśpierskaha», pavodle viersii časopisa «Finans», uvachodzić u śpis «50 samych paśpiachovych žančyn Rasii».
Jaŭhien Kaśpierski znajomy z prezidentam Rasii Dźmitryjem Miadźviedzievym, jon prymaŭ jaho ŭ 2009 hodzie ŭ svaim maskoŭskim ofisie, dzie prademanstravaŭ hałavie dziaržavy pracu niekalkich padraździaleńniaŭ svajoj łabaratoryi.
«Łabaratoryja Kaśpierskaha» ŭvachodzić u
