Svoj udzieł u vystavie ŭzbrajeńniaŭ i vajennaj techniki Milex-2011, jakaja projdzie ŭ Minsku 24–27 maja, paćvierdzili ŭžo bolš za 130 arhanizacyj, pradpryjemstvaŭ i navučalnych ustanoŭ ź Biełarusi, Rasii, Ukrainy, Kazachstana i Armienii.
Pra heta paviedamiŭ pradstaŭnik Dziaržaŭnaha vajenna-pramysłovaha kamiteta Biełarusi pa infarmacyi i suviaziach z hramadskaściu Uładzimir Łaŭraniuk.
Udzieł u vystavie taksama paćvierdzili kala 20 delehacyj z 15 krain.
Pavodle słoŭ Uładzimira Łaŭraniuka, ekspazicyja raźmieścicca na 1.827 kv. m zakrytaj i 4.140 kv. m adkrytaj płoščy. Akramia taho, budzie pradstaŭlena kalektyŭnaja ekspazicyja ad arhanizacyj dziaržaŭ — členaŭ Arhanizacyi Dahavora ab kalektyŭnaj biaśpiecy.
U miežach vystavy adbudziecca pasiadžeńnie Dziełavoha savieta pry Miždziaržaŭnaj kamisii pa vajenna-ekanamičnym supracoŭnictvie ADKB i 3-je pasiadžeńnie Kaardynacyjnaha savieta ŭpaŭnavažanych orhanaŭ dziaržaŭ — udzielnic ADKB pa pytańniach rekłamna-vystavačnaj dziejnaści.
Zaviaršajecca padrychtoŭka i da V Mižnarodnaj navukovaj kanfierencyi pa vajenna-techničnych prablemach, prablemam abarony i biaśpieki, vykarystańni technałohij dvajnoha prymianieńnia, jakaja źjaŭlajecca nieadjemnaj častkaj Milex. Na ŭdzieł u kanfierencyi ŭžo padadziena bolš za 280 zajavak ad roznych arhanizacyj ź Biełarusi, Rasii, Ukrainy, Rumynii, Sierbii, Bałharyi i Hiermanii. U miežach kanfierencyi zapłanavana praviadzieńnie kruhłaha stała na temu «Šlachi ŭdaskanaleńnia ŭzbrajeńnia Kalektyŭnych sił apieratyŭnaha reahavańnia ADKB».
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
