Nacbank raźličvaje vyjści na adziny abmienny kurs u mai. Adekvatny kurs — 3800 20

Nacyjanalny bank Biełarusi raźličvaje vyjści na adziny abmienny kurs valuty ŭ mai. Tady ž u abmiennych punktach moža źjavicca valuta,

paviedamiŭ žurnalistam 22 krasavika načalnik hałoŭnaha ŭpraŭleńnia valutnaha rehulavańnia valutnaha kantrolu Nacbanka Anatol Maroz.

Pavodle jaho słoŭ, Biełaruś čakaje źniešnich zapazyčvańniaŭ. Praviedzieny pieramovy z Rasijskaj Fiederacyjaj, jakaja zapatrabavała prahramu mier pa vychadzie z kryzisu. Takaja prahrama ŭžo pradstaŭlena.

«Na nastupnym tydni, a moža być i ŭ mai, heta pytańnie pavinna być vyrašana. Paśla hetaha buduć zrobleny ŭsie zachady pa stabilizacyi valutnaha rynku Respubliki Biełaruś», — rastłumačyŭ Maroz.

Načalnik hałoŭnaha ŭpraŭleńnia valutnaha rehulavańnia valutnaha kantrolu Nacbanka taksama miarkuje,

što kurs dołara ŭ 3.800 rubloŭ — «heta adekvatnaja acenka,

a kurs, jaki ciapier vystaŭlajecca na pazabiržavym rynku (bolš za 5.000 rubloŭ. — BiełaPAN.), — zavyšany».

Na dumku Maroza, valutny ažyjataž u abmieńnikach stvaryła samo nasielnictva. Pavodle danych Nacbanka, u studzieni 2011 hoda nasielnictva kupiła na čystaj asnovie ŭ bankach 50 młn. dołaraŭ, u lutym — tolki 12 młn. dołaraŭ,

a ŭ sakaviku — užo 700 młn. dołaraŭ. Dla paraŭnańnia: za ŭvieś minuły hod nasielnictvam było nabyta 1,5 młrd. dołaraŭ.

Pradstaŭnik Nacbanka taksama paviedamiŭ, što pastupleńnie valutnaj vyručki ŭ studzieni i lutym skłała kala 2 młrd. dołaraŭ u miesiac, a ŭ sakaviku — bolš za 3,5 młrd. dołaraŭ. «Ekanomika, možna skazać, užo zapracavała. U krasaviku my idziem takimi ž tempami pa pastupleńni valutnaj vyručki», — skazaŭ Maroz.

21 krasavika vice-premjer Biełarusi Siarhiej Rumas vykazaŭ mierkavańnie, što adekvatny kurs biełaruskaha rubla znachodzicca ŭ kalidory 3.800–4.100 rubloŭ za dołar. «Heta adpaviadaje siońnia stanu, u jakim znachodzicca naša ekanomika», — zajaviŭ Rumas u intervju Reuters. Jon nazvaŭ «nierealnym» ciapierašni kurs na mižbankaŭskim rynku ŭ piać i bolš tysiač rubloŭ za dołar.

Nahadajem, u pačatku hetaha tydnia Nacbank Biełarusi źniaŭ abmiežavańni na farmiravańnie kursu biełaruskaha rubla da dołara na pazabiržavym rynku. Až da ŭkazanaha rašeńnia pazabiržavy kurs nie moh adchilacca ad aficyjnaha bolš čym na 10%. Adnak źniaćcie abmiežavańniaŭ da čakanaha ažyŭleńnia pazabiržavaha rynku nie pryviało.

Na nastupnym tydni Nacbank źbirajecca zapuścić dadatkovuju handlovuju valutnuju siesiju na BVFB,

u chodzie jakoj maje namier z časam vyznačyć realny rynačny kurs biełaruskaha rubla.

21 krasavika Alaksandr Łukašenka, vystupajučy z pasłańniem da parłamienta i naroda, zajaviŭ pra nieabchodnaść «vyjści na raŭnavažny valutny kurs». «Ekanamičnamu błoku krainy nieabchodna likvidavać u samyja karotkija terminy dyspraporcyju ŭ ekanomicy, nazapašanuju ŭ pieryjad suśvietnaha kryzisu i nastupnaha adnaŭleńnia. Vychad na raŭnavažny valutny kurs», — skazaŭ Łukašenka.

Pavodle acenak ekśpiertaŭ, vychad na adziny abmienny kurs biełaruskaha rubla na ŭsich siehmientach rynku faktyčna budzie aznačać jaho devalvacyju. Heta niepaźbiežna pryviadzie da taho, što Nacbanku pryjdziecca pašyryć 8-pracentny kalidor vahańnia kursu da košyka valut.

Pa vynikach biržavych tarhoŭ 22 krasavika kurs biełaruskaha rubla praktyčna dasiahnuŭ nižniaj miažy 8-pracentnaha kalidora. Z pačatku hoda kurs biełaruskaha rubla da valutnaha košyka źniziŭsia na 7,99%, da dołara — na 1,60%, da rasijskaha rubla — na 11,87%, da jeŭra — na 10,82%.

Na 2011 hod kalidor vahańniaŭ kursu biełaruskaha rubla ŭ dačynieńni da košyka valut ustanoŭleny ŭ miežach plus/minus 8%.

BiełaPAN; AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH