Mašyna, u jakoj jechaŭ Siarhiej Łahun, udaryłasia ŭ dreva.
U piatnicu ŭ Navapołacku adbyłasia strašnaja katastrofa. Raźbilisia dva viadomyja ciažkaatlety Siarhiej Łahun i Jaŭhien Žarnasiek. Łahun pamior na miescy, a Žarnasiek u ciažkim stanie trapiŭ u reanimacyju. U jaho paškodžany chrybiet.
27 maja Łahunu spoŭniłasia b usiaho tolki 23 hady.Pośpiechi da jaho pačali prychodzić na maładziožnym uzroŭni, u 2007 hodzie jon zavajavaŭ załaty miedal na čempijanacie śvietu ŭ Prazie. Potym byli ŭdałyja vystupy i na darosłym uzroŭni.
Na čempijanatach śvietu 2009 i 2010 Łahun braŭ miedali.
Letaś u Turcyi pakazaŭ najlepšuju vahu ŭ ryŭku.
Treniery zbornaj kazali, što heta spartoviec adnaho kalibru z alimpijskim čempijonami Andrejem Aramnavym.
Sam Łahun byŭ ź Vierchniadźvinskaha rajona, ale z 12-hadovaha ŭzrostu treniravaŭsia ŭ vučyliščy alimpijskaha reziervu ŭ Navapołacku.
«Mnie padabajecca jahony padychod da pracy, starajecca vykładvacca na treniroŭkach, zaŭsiody zaradžany na pośpiech, pryjemny chłopiec», — kazaŭ pra jaho trenier zbornaj.
