Byłomu staršyni Viarchoŭnaha Savieta Biełarusi Miečysłavu Hrybu zabaranili kamientavać jaho vyklik u prakuraturu Minska.
Hryb paviedamiŭ, što 22 krasavika naviedaŭ prakuraturu Minska. «Ja ničoha nie mahu skazać nakont hetaha. U prakuratury mnie skazali ŭstrymacca ad lubych kamientaryjaŭ nakont hetaha. Tamu ja nie mahu raskazać, pra što išła razmova ŭ prakuratury», — zaznačyŭ Hryb.
Jon taksama skazaŭ, što ź jaho ŭziata padpiska ab nievydavańni materyjałaŭ śledstva.
Jak paviedamlałasia raniej, Miečysłaŭ Hryb byŭ vyklikany pa telefonie ŭ minskuju haradskuju prakuraturu pa spravie ab vybuchu ŭ mietro na 11 hadzin 22 krasavika. «Na pytańnie, pa jakoj pryčynie ja vyklikajusia, mnie adkazali, što „pa spravie ab vybuchu“. Bolš ničoha nie ŭdakładnili», — skazaŭ Hryb. Jon zaznačyŭ, što «ničoha nie ŭzryvaŭ, z padazronymi pa spravie ab vybuchu nieznajomy».
Hryb vykazaŭ mierkavańnie, što vyklik moža być źviazany ź jaho kamientaryjami žurnalistam pra hety incydent. «Adnak, nakolki ja pamiataju, ja nie dapuskaŭ nijakich niekarektnych vykazvańniaŭ u adras śledstva i ŭłady», — zaznačyŭ jon.
Miečysłaŭ Hryb u 1994 hodzie źmianiŭ Stanisłava Šuškieviča na pasadzie staršyni Viarchoŭnaha Savieta i da abrańnia prezidentam Biełarusi Alaksandra Łukašenki letam taho ž hoda źjaŭlaŭsia kiraŭnikom krainy. Viasnoj 1994 hoda padčas staršynstva Hryba ŭ parłamiencie była pryniata pieršaja Kanstytucyja niezaležnaj Biełarusi, jakaja dziejničaje ciapier ź niekatorymi źmienami, što byli ŭniesieny na refierendumie.
Varta zaznačyć, što Hryb źjaŭlajecca pieršym
