U Biełarusi inflacyja z 1 pa 19 krasavika 2011 skłała 2,5% da siarednich cenaŭ sakavika. Z pačatku hoda pa 19 krasavika inflacyja skłała 8,8%, pieravysiŭšy vierchniuju miažu prahnozu - 8,5% - zaćvierdžanaha na ŭvieś 2011 hod.
Pra heta śviedčać źviestki, raźmieščanyja na sajcie Nacyjanalnaha statystyčnaha kamiteta Biełarusi ŭ piatnicu.
Najbolšy pryrost cen z pačatku miesiaca adznačany na alej (15,3%), harodninu (10,6%), sadavinu (9,5%), čaj (8,9%), majanez (6,3%), rybu i rybapradukty (5,8%), bulbu (4%), makaronnyja vyraby (3,9%), krupy i piva (3,6%), jajki (3%), miasa ptuški, chleb i chlebabułačnyja vyraby (2, 7%), kandytarskija vyraby (2,5%), lehkavyja aŭtamabili (9,8%), abutak (5,9%), tkaniny (3,8%), bytavyja elektratavary i sintetyčnyja myjnyja srodki (3,3%) , televizary (2,8%), pasłuhi pasažyrskaha transpartu (8,8%), sanatorna-azdaraŭlenčyja pasłuhi (2,5%), bytavyja pasłuhi (2,1%).
Jak paviedamlałasia raniej, pa vynikach 2010 hodu spažyvieckija košty pavialičylisia na 9,9% (u 2009 hodzie na 10,1%). Na 2011 hod prahnoz ŭrada Biełarusi składaje 7,5-8,5%.
