KDB Biełarusi nie budzie kamientavać infarmacyju ab tym, što śpiecsłužby niekalki hadoŭ sačyli za siamjoj adnaho z padazronych u terakcie ŭ minskim mietro.

Pra heta zajaviŭ načalnik Centra infarmacyi i hramadskich suviaziej KDB Alaksandr Antanovič.

Pra toje, što siamja adnaho z padazronych u apošnija niekalki hadoŭ znachodziłasia pad pastajannym kantrolem śpiecsłužb (ich padazravali ŭ vyrabie bomb), paviedamiła rasijskaje internet-vydańnie Life News.

Jak raskazała Life News krynica ŭ pravaachoŭnych orhanach Biełarusi,

u supracoŭnikaŭ KDB «było vialikaje daśje».
Jaho sabrali jašče paśla vybuchu ŭ Minsku ŭ 2008 hodzie. Tady baćku padazronaha zapadozryli ŭ dačynieńni da terakta. Uvahu pryciahnuŭ i jaho syn. Małady čałaviek trapiŭ u hrupu ryzyki praz svaju schilnaść da chimii i ŭmieńnie majstravać vybuchovyja pakiety.

Siłaviki viedali pra toje, što junak amal uvieś volny čas traciŭ na vyrab piratechniki i ekśpierymienty z vybuchovymi rečyvami. Ale čamuści jamu nichto nie pieraškadžaŭ.

Pavodle źviestak krynicy, padazrony ŭ terakcie na ŭliku ŭ milicyi nikoli nie znachodziŭsia. «Za im pastajanna pryhladali, heta tak. Mabyć, jaho prosta na čas vypuścili ź vidu, i jon paśpieŭ realizavać svaju zadumu, — paviedamiła krynica vydańniu. — Jak tolki ekśpierty, jakija pracavali na miescy terakta ŭ minskim mietro, ustanavili, što samarobnaja vybuchovaja pryłada była načyniena armaturaj i mieła hadzińnikavy miechanizm, supracoŭniki KDB adrazu ŭspomnili pra siamju ź Viciebska: syna-chimika i baćku-hadzińnikara».

«Śpiecsłužby spracavali vielmi apieratyŭna, — skazała krynica, blizkaja da śledstva. — Prahledzieŭšy videa z kamier nazirańnia, jany ŭźniali daśje na ŭsich, chto moh vyrabić padobnuju vybuchovuju pryładu».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?