Na adras FDUP «Pošta Rasii» pastupiŭ aficyjny zapyt ad RUP «Biełpošta» na adklikańnie 2.368 hrašovych pieravodaŭ u adpaviednaści z zajavami adpraŭnikoŭ, jakimi vałodaje biełaruski paštovy apieratar. Pra heta paviedamlaje aficyjny sajt rasijskaha paštovaha apieratara.

Hetyja pieravody pastupili ŭ Rasiju ź Biełarusi i zaraz jašče nie vypłačanyja. U adpaviednaści z praviłami akazańnia pasłuh paštovaj suviazi, «Pošta Rasii» pavinna adpravić ich nazad RUP «Biełpošta» dla viartańnia adpraŭnikam.

Vypłata ŭsich astatnich pieravodaŭ ź Biełarusi, a taksama pryjom pieravodaŭ na adras biełaruskich atrymalnikaŭ ažyćciaŭlajecca ŭ adździaleńniach paštovaj suviazi Rasijskaj Fiederacyi ŭ zvyčajnym režymie, zaznačajecca ŭ paviedamleńni.

Nahadajem, 21 krasavika ŭ suviazi ź nievykanańniem «Biełpoštaj» svaich finansavych abaviazacielstvaŭ, praduhledžanych pahadnieńniem pa abmienie mižnarodnymi elektronnymi pieravodami, «Pošta Rasii» papiaredziła ab mahčymym spynieńni vypłaty paštovych pieravodaŭ ź Biełarusi, kali zapazyčanaść «Biełpošty» pierad rasijskim paštovym apierataram nie budzie pahašanaja. Pavodle źviestak na 21 krasavika zapazyčanaść składała 195 miljonaŭ rasijskich rubloŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?