Spravazdača hruntujecca na śviedčańniach palitykaŭ, žurnalistaŭ, advakataŭ, pravaabaroncaŭ i dypłamataŭ.
30 červienia na pres-kanfierencyi ŭ Miensku Mižnarodnaja Federacyja za pravy čałavieka (FIDH) pradstaviła spravazdaču ab abmiežavańni palityčnych i hramadzianskich pravoŭ hramadzian paśla prezidenckich vybaraŭ 2010 h.
Pradstaŭniki FIDH Artak Kirakasian i Kirył Karaciejeŭ prezentavali na pres-kanfierencyi ŭ Minsku spravazdaču ab situacyi ŭ Biełarusi. Udzielniki misii FIDH sabrali dziesiatki śviedčańniaŭ. Infarmacyju źbirali u vyzvalenych kandydataŭ u prezidenty Respubliki Biełaruś i pradstaŭnikoŭ vybarčych štaboŭ kandydataŭ u prezidenty, svajakoŭ aryštavanych, advakataŭ, supracoŭnikaŭ pravaabarončych arhanizacyj, žurnalistaŭ, a taksama pradstaŭnikoŭ eŭrapiejskich dyplamatyčnych misij.
Chvala represij, jakija pačalisia prezydenckich vybaraŭ 19 śniežnia 2010 hoda, pryviała da dramatyčnaha paharšeńnia sytuacyi z pravami čałavieka i hramadzianskimi i palityčnymi svabodami ŭ Biełarusi. Pryčym masštab, praciahłaść i abjom represij vyklikajuć asablivuju zaniepakojenaść.
Masavyja administracyjnyja aryšty i zatrymańni 19-20 śniežnia charaktaryzavalisia zališnim užyvańniem hrubaj siły, dopytami i sudami, jakija prachodzili z hrubiejšymi parušeńniami praceduraŭ, zakanadaŭstva i mižnarodnych normaŭ.
Sfabrykavanyja kryminalnyja spravy va ŭmovach poŭnaha kantrolu sudovaj sistemy supravadžalisia pieratrusami, dopytami, paklopnickimi kampanijami i zapałochvańniem šyrokaha koła hramadzianskich i palityčnych aktyvistaŭ. Pastajanna pastupaje infarmacyja pra žorstkaje, źniavažlivaje ŭ adnosinach ža čałaviečaj hodnaści abychodžańnie i katavańjich, a hramadzianski kantrol nad miescami źniavoleńnia ŭ Biełarusi praktyčna adsutničaje.
Cisku i represijam padvierhnulisia taksama i niezaležnyja advakaty, a dziesiatki studentaŭ i słužačych –vyklučeńniam ź miescaŭ pracy abo vučoby ŭ suviazi ź ich hramadzianskaj abo palityčnaj aktyŭnaściu.
