1 lipienia ŭ Biełarusi źniziłasia ekspartnaja pošlina na naftu 3

1 lipienia staŭka vyvaznoj mytnaj pošliny na tonu syroj nafty źniziłasia na 17 dołaraŭ — z 462,1 da 445,1 dołara za tonu, nafty z utrymańniem siery — z 217,5 da 205,8 dołara za tonu.

U adpaviednaści z padpisanymi pahadnieńniami pamiž Biełaruśsiu i Rasijaj, anałahičnyja staŭki ekspartnaj pošliny ŭvodziacca i dla Biełarusi.

Ustanoŭleny taksama novyja staŭki ekspartnych pošlin na naftapradukty, vyvozimyja ź Biełarusi za miežy mytnaj terytoryi Mytnaha sajuza.

Pošlina na śvietłyja naftapradukty (lohkija dystylaty, siarednija dystylaty, hazojli) źnižana z 309 da 298,2 dołara za tonu, na ciomnyja naftapradukty (važkaje paliva, masła, adpracavanyja naftapradukty) — z 215,8 da 207,8 dołara za tonu.

Pošlina na prapan, butany, etylen, prapilen, butylen i butadyjen, inšyja zvadkavanyja hazy źniziłasia sa 189,8 da 172,9 dołara za tonu, na naftavy vazielin, minieralnyja voski i anałahičnyja pradukty — z 215,8 da 207,8 dołara. Pošlina na bienziny tavarnyja i pramahonny bienzin ustanoŭlena na ŭzroŭni 400,5 dołara za tonu.

9 śniežnia 2010 hoda ŭ Maskvie było padpisana biełaruska-rasijskaje mižuradavaje pahadnieńnie ab raźmierkavańni ekspartnych pošlin. Zhodna z dakumientam, z 1 studzienia Rasija pavinna pastaŭlać u Biełaruś usiu naftu biaspošlinna. Biełaruś, sa svajho boku, pavinna pieraličvać u biudžet RF uvieś abjom ekspartnych pošlin na naftapradukty, jakija vyrablajucca z rasijskaj nafty i vyvoziacca za miežy Mytnaha sajuza.

Andrej Kažamiakin, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH