Na luty 2012 hoda zapłanavany druhi kancert niamieckaha hurtu ŭ Biełaruś.
Jak paviedamlaje Afisha.tut.by, 4 lutaha 2012 hoda ŭ Minsku zapłanavany druhi kancert niamieckaha hurtu Rammstein. Jon maje adbycca ŭ «Minsk-Arena». Biełaruskim hledačam abiacajuć absalutnaje novaje šou «Zroblena ŭ Hiermanii 1995-2011».
Na aficyjnym sajcie hurtu ŭ tur-liście Biełaruś pakul nie značycca. Zhodna z hrafikam na pačatak 2012 hoda pieršy kancert Rammstein pavinien adbycca 6 lutaha ŭ litoŭskim Kaŭnasie.
Pieršy kancert znakamitych niemcaŭ u Biełarusi adbyŭsia 7 sakavika 2010 hoda ŭ «Minsk-Arenie». Pryjezd Rammstein u Biełaruś supravadžaŭsia skandałam. Staršynia Hramadskaj rady pa maralnaści Mikałaj Čarhiniec zapatrabavaŭ ad arhanizataraŭ kancertu pravieści papiaredni prahlad kancertnaj prahramy.
Na aficyjnym sajcie hurtu ŭ tur-liście Biełaruś pakul nie značycca.
