Hienierał pahražaje padać u sud na hazietu.
Staršynia piśmieńnickaj arhanizacyi pakryŭdžany artykułam «Čarhiniec choča pierapisać školnyja padručniki litaratury». Pa telefonie jon skazaŭ, što razmaŭlać budzie tolki ŭ sudzie.
30 červienia na sajcie praŭładnaha Sajuza piśmieńnikaŭ źjaviŭsia tekst «Na chvali paklopu» z adkazam na publikacyju ŭ «NN».
«Jak tolki byŭ utvorany Sajuz piśmieńnikaŭ Biełarusi, rusafoby dy inšyja radykalnyja kulturaaśvietniki, supracoŭniki roznych zamiežnych radyjochvalaŭ pačali šalmavańnie idei i prahram stvoranaha sajuza, asabliva nakinulisia na staršyniu M.Čarhinca, hrebliva tak zaŭsiody nazyvajučy «henierał», «sienatar», «pahromščyk biełaruskaj litaratury».
«Hazieta «Naša niva» dahavaryłasia: «Čarhiniec choča pierapisać školnyja padručniki litaratury…»
Vypiejcie valarjanki, «klovuny»!
[Tut i dalej zachavanaja stylistyka i arfahrafija aryhinała — na sajcie Sajuza piśmieńnikaŭ pišuć: «mienš», «Śviatłana AleksJajevič», «šElmavać»... Darečy, sajt Sajuza «piśmieńnikaŭ Biełarusi» nie maje biełaruskamoŭnaj viersii. Jak toj kazaŭ, biez kamientaroŭ.]
Staršynia Sajuza piśmieńnikaŭ Biełarusi ni ŭ ramkach zakona, ni ŭ svaim stanoviščy nie maje anijakich pravoŭ i ŭłasnych namieraŭ pierapisvać tyja samyja padručniki».
Ale aŭtar zaŭvažaje, što «nielha ž zastavacca na ŭzroŭni davoli prymityŭnych, na siońniašni pahlad, abrazkoŭ Ź.Biaduli na cełyja stahodździ». «Pryjšli novyja pakaleńni,
novyja tvorcy: R.Baravikova, M.Bašłakoŭ, Z.Marozaŭ, V.Šnip, M.Miatlicki, H.Paškoŭ, A.Piśmiankoŭ.
Čamu ich tvorčaść pavinna zastavacca ŭ tendencyi zamoŭčvańnia, a z kłasa ŭ kłas dzieci pavinny vyvučać tolki R.Baradulina, H.Buraŭkina, suprać tvorčaści jakich my nikoli nie vystupali.
Što tyčycca žurnalistki S.Aleksiajevič, dyk jana nikoli nie mieła adnosin da biełaruskaj litaratury.
Heta ruskamoŭny žurnalist, i ź jaje tvorčaściu pavinny znajomicca pa prahramie ruskamoŭnyja piśmieńniki Biełarusi».
«Naš Sajuz taksama zacikaŭleny, kab biełaruskija dzieci viedali i tvorčaść ruskamoŭnych prazaikaŭ Biełarusi, takich, jak M.Čarhiniec, A.Suljanaŭ, S.Trachimionak, A.Sakałoŭ, a taksama talenavitych paetaŭ V.Palikaninaj, A.Skarynkina, T.Husačenki, R.Sakałoŭskaha, T.Lejki».
«Talenavitaje biełaruskaje słova nikoli nie zahinie. I nie šukajcie vorahaŭ tam, dzie ich niama», — padsumavaŭ aŭtar tekstu.