Pamior viadomy baskietbolny śpiecyjalist Siamion Chalipski

Siońnia ranicaj paśla ciažkaj i praciahłaj chvaroby na 74-m hodzie žyćcia pamior zasłužany trenier SSSR pa baskietbole Siamion Lvovič Chalipski.

Ź jaho imiem źviazana cełaja epocha žanočaha baskietboła Biełarusi.

U časy Savieckaha Sajuza uznačaleny im minski «Haryzont» mieŭ reputacyju samaha zadzirlivaha i bieskampramisnaha kłuba, zavajoŭvaŭ siarebranyja miedali čempijanatu krainy, jakija paśpiachova hulaŭ u jeŭrakubkach.

Chalipski davoli doŭha kiravaŭ maładziožnaj i druhoj zbornaj SSSR, a ŭ pieryjad suvierennaha baskietboła — nacyjanalnaj zbornaj Biełarusi. Byŭ pryznany najlepšym trenieram za 80-hadovuju historyju ajčynnaha baskietboła. Kali pieraličvać usich majstroŭ, jakim jon dapamoh pracierabić šlach u vialiki sport, atrymajecca vielizarny śpis. Tamu abmiažujemsia tolki proźviščami čatyroch spartovak, jakija prynieśli słavu krainie — alimpijskija čempijonki Taćciana Biełašapka, Iryna Sumnikava, Alena Švajbovič, čempijonka śvietu i Jeŭropy Halina Savickaja. Dy i šmatlikija ź ciapierašnich zorak nacyjanalnaj zbornaj, jakaja zavajavała vysoki aŭtarytet na płaniecie, u junackim uzroście prajšli praź jaho talenavityja ruki.

Stan biaździejnaha baŭleńnia času byŭ absalutna nieprymalny dla Siamiona Lvoviča, i tamu da apošnich dzion jon pracavaŭ, asistujučy ŭ kłubie «Biarezina»-RCOR svajmu vučniu Andreju Vaŭlevu.

Pajšoŭ Majstar. Ale śvietłaja pamiać ab im nazaŭsiody zastaniecca ŭ pamiaci udziačnych vučniaŭ, kaleh, balelščykaŭ. Śvietłaja Vam pamiać, Siamion Lvovič…

0

0

0

0

0

0

Priessboł

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH