Hurt płanavaŭ vystupić u Plaza Club 2 lipienia.
Za dzień da praviadzieńnia solnaha kancerta N.R.M. jaho arhanizatar, Homielskaja abłasnaja fiłarmonija, paviedamiŭ, što mierapryjemstva nie adbudziecca. Aficyjnych tłumačeńniaŭ kiraŭnictva ŭstanovy pakul nie daje. Ale viadoma, što takoje rašeńnie było pryniata paśla telefanavańnia z upraŭleńnia kultury Homielskaha abłvykankama.
Prezientacyja novaj prahramy hurtu N.R.M. «DPBČ» prajšła ŭžo ŭ šerahu haradoŭ Polščy i Biełarusi. Kažuć, što dyrektar Homielskaj abłasnoj fiłarmonii Viktar Hutyra viedaŭ pra situacyju z «čornymi» śpisami, ale ŭsio adno navažyŭsia na «ekśpierymient», jak jon nazvaŭ arhanizacyju kancerta N.R.M. Kvitki pradavalisia spraŭna, ale za dzień da vystupleńnia, muzykam paviedamili, što kancerta nie budzie.
Jak atrymałasia daznacca, rašeńnie ab admienie było pryniata ŭ fiłarmonii paśla telefanavańnia z upraŭleńnia kultury Homielskaha abłvykankama. Čynoŭnik, imia jakoha nie nazyvajecca, zajaviŭ arhanizataram prykładna nastupnaje:
«Vy što robicie? N.R.M. zabaronieny hurt! Ich kancert pravodzić nielha».
Ad siońnia možna viarnuć hrošy za nabytyja kvitki.
Hitaryst N.R.M. Pit Paŭłaŭ vielmi emacyjna adreahavaŭ na zabaronu kancerta: «Heta poŭny marazm!
Vielmi hniusnaja situacyja. My chočam usiaho tolki hrać, a nam hetaha nie dajuć rabić ludzi, jakija zusim nie raźbirajucca ŭ muzycy.
Prykra za hetym nazirać».
U lipieni ŭ N.R.M. zapłanavanyja jašče vystupleńni ŭ Harodni, Babry, Minsku, Łahojsku i Mahilovie.
