Pra heta 1 lipienia žurnalistam paviedamiŭ ministr kultury Pavieł Łatuška paśla pradstaŭleńnia presie i rabotnikam kinastudyi novaha dyrektara Aleha Silvanoviča.
«Kamiercyjnaja efiektyŭnaść kinastudyi jość», zaznačyŭ ministr, ale «viartańnie dziaržaŭnych resursaŭ składaje pryblizna 7%».
«Siońnia pierad nami staić zadača pavieličeńnia doli viartańnia tych srodkaŭ, jakija ŭkładvaje dziaržava, ad prodažu kankretnych kinakarcin», — skazaŭ jon.
Najbližejšym časam «realna vyjści na 30% viartańnia srodkaŭ, jaki ŭkładvaje dziaržava», miarkuje čynoŭnik. U budučyni heta vieličynia budzie zaležać ad taho, nakolki zapatrabavanaj budzie biełaruskaja kinapradukcyja na ŭnutranym i źniešnim rynkach.
Łatuška paviedamiŭ, što da 2014 hoda płanujecca, u pryvatnaści, stvaryć «kankurentnaje asiarodździe ŭ kinaśfiery Biełarusi»,bolš efiektyŭna vykarystoŭvać dziaržaŭnyja srodki, nakiravanyja na padtrymku kinavytvorčaści, raźvić kinapradziusavańnie,
Z pačatku hoda ŭ krainie prapracoŭvajecca vosiem kinaprajektaŭ sumiesna z rasijskimi kampanijami, dva prajekty — z kampanijami Jeŭrasajuza. Łatuška rastłumačyŭ, što
Supracoŭnictva z kinaśfieraj ES budzie zaviazana na prajektach histaryčnaj tematyki. «My viadziem pieramovy adnosna tych tem, jakija abjadnoŭvajuć nas z punkta hledžańnia ahulnajeŭrapiejskaj historyi», — dadaŭ čynoŭnik.
Aleh Silvanovič, jaki 30 červienia byŭ zaćvierdžany kiraŭnikom dziaržavy na pasadzie hienieralnaha dyrektara nacyjanalnaj kinastudyi, raniej uznačalvaŭ departamient kiniematahrafii Ministerstva kultury.
«Siońniašni i zaŭtrašni „Biełaruśfilm“ nie budzie padobny na toj, jaki ŭ minułym byŭ raskrytykavany», — skazaŭ jon, kamientujučy pastaŭlenyja pierad im i kinastudyjaj zadačy.