Fotakarespandent NN prajšoŭ apošni dzień pilihrymki Minsk – Budsłaŭ, kali ludzi niasuć z saboj kamiani, simvały hrachu.
Vioska Daŭhinava – da Budsłava krychu bolš za 20 kiłamietraŭ.
Apošnija kiłamietry pilihrymki – pieśni i malitvy.
Tak vitajucca roznyja pilihrymki – pilihrymy z Rakava vitajuć minčukoŭ.
Źbirańnie kamianioŭ – simvału čałaviečaha hrachu.
Kryžovy šlach z kamianiami.
Kožny niasie svoj kamień-hrech.
Pilihrymka ŭ hety čas idzie vielmi pavolna.
Na ŭskrajku lesu ŭsie kamiani składajuć u adno miesca.
Tut ža ŭ lesie adpraŭlajecca imša.
Z kamieńčykaŭ składzieny impravizavany ałtar.
Pierapynak.
Abied pilihryma: sup, paranaja bulba i harbata.
Jak tolki pakazalisia kryžy Budsłava – pačynajecca malitva.
Apošni prypynak – plac Płaču. Miesca padziaki bližniamu za dapamohu ŭ pilihrymcy.
Na padychodzie da kaścioła – milicejskija kardony. Takoje stałasia pry Łukašenku.
Apošnija kroki piešaj pilihrymki.
Voś i Budsłaŭ.
Šlach da ikony Maci Božaj – na kaleniach.
Dla kahości hetyja 5 dzion byli vielmi nialohkimi.
Ranica, 8.00. Vioska Daŭhinava (Vilejski rajon) – miesca sustrečy amal usich pilihrymak, što iduć da Budsłava. Apošni dzień piešych pilihrymak pa tradycyi raspačynajecca ranišniaj imšoj. Potym karotki śniadanak, chutkaje źbirańnie rečaŭ i napaŭvajskovy voklič ksiandzoŭ u miehafon: «Pilihrymka – stavaj!». Tak katalickija vierniki raspačynajuć apošni 20-ci kiłamietrovy šlach da śviatyni Maci Božaj Budsłaŭskaj – apiakunki Biełarusi.
Pieršy prypynak pilihrymaŭ pačynajecca paśla 2-hadzinnaha šlachu. Kazańnie. Zatym usie ŭ vakolicach vioski Vaŭkałatki pačynajuć šukać kamiani – simvał čałaviečaha hrachu. Ź imi vierniki projduć jašče niekalki kiłamietraŭ. Na nastupnym prypynku z hetych kamianioŭ na ŭskrajku lesa składuć impravizavany ałtar i ŭžo tam śviatar adsłužyć jašče adnu imšu. Paśla pačynajecca samaje ciažkaje – 5 dzion nialohkaj pilihrymki amal skončany, vierniki prajšli bolš za 120 kiłamietraŭ, a zastajecca mienš za 10. Blizkaść Śviatyni, štodzionnyja malitvy, razvažańni i novyja ludzi – usio źlivajecca va ŭzrušany stan čakańnia…
Apošni prypynak za paru kiłamietraŭ da Budsłava. Plac Płaču – simvał padziaki bližniamu, što byŭ z taboj pobač uvieś hety čas piešaj pilihrymki. Usio abdymajucca i płačuć – dziakujuć adzin adnomu i prosiać błasłavieńnia.
I voś Budsłaŭ. Milicejski kardon, pieśni na padychodzie da kaścioła, sustreča z probaščam. Apošni šlach da ikony Maci Božaj Budsłaŭskaj – na kaleniach. Dajšli… Boža, uratuj Biełaruś…