9 lipienia vialiki pravał utvaryŭsia na vulicy Lenina ŭ Viciebsku paśla ŭrahanu, jaki vyliŭsia pierad pačatkam kancerta Valeryja Lavonćjeva na «Słavianskim bazary».
Doždž pačaŭsia a 17:30. Nieŭzabavie paryvami vietru pačało zanosić vadu na krajnija siektary. A kali viecier dasiahnuŭ urahannaj siły, uvieś Letni amfiteatr pieratvaryŭsia ŭ vializny duš Šarko.
Vadu zanosiła ŭ prastoru pamiž dacham sceny i dacham zały, zakručvali ŭ vichuru i zalivała ŭsio, što mahčyma. Paźniej u amfiteatr prakraŭsia navat hrad, jaki chvastaŭ tych, što siadziać na pieršych šerahach.
Praz doždž kancert Valeryja Lavonćjeva pačaŭsia z 35-chvilinnym spaźnieńniem. Bo vadu pryjšłosia prybirać navat sa sceny.
Patoki daždžavoj vady vyklikali pravał ziamli na prajeznaj častcy i tratuary vulicy Lenina, pobač sa znakamitym "sinim domam" i piramidaj «Marka». Tut, jakraz nasuprać miesca, dzie pačali prakładać novy padziemny pierachod, pobač z kanalizacyjnym lukam utvaryłasia jama dyjamietram i hłybinioj kala paŭtara mietra.
