Palityčny partret Łukašenki budzie prezientavany siońnia ŭ Hrodnie 12

Svaju knihu «Aleksandr Łukašienko. Političieskij portriet» pradstavić u Hrodnie viadomy palitołah i publicyst Valer Karbalevič. Na sustreču ź im u dyskusijnym kłubie «Haradzienski kalehium» zaprašajem u čaćvier, 21 lipienia, u Hrodnie, pa adrasie: Budzionaha 48a (zala va ŭnutranym dvoryku). Pačatak, a 18.45

Alaksandr Łukašenka trymaje ŭładu ŭ Biełarusi ŭžo 17 hod. U samym centry Jeŭropy, na miažy tysiačahodździaŭ. Heta unikalny dośvied, i padobny fienomien patrabuje tłumačeńnia. Jak heta ŭ jaho atrymałasia? Čamu biełaruskaja sacyjalnaja madel trymajecca stolki hadoŭ? Adkazy na ŭsie hetyja pytańni majuć nie tolki spaznavaŭčaje, ale i praktyčnaje, palityčnaje značeńnie. Časta my źviartajem uvahu tolki na źniešnija prajavy dziejnaści Łukašenki i tamu nie razumiejem, čamu ŭsio heta raściahnułasia na 17 hod.

Na 720 staronkach knihi Valer Karbalevič analizuje fienomien 17-hadovaha kiravańnia Alaksandra Łukašenki. Aŭtar padrabiazna apisvaje bijahrafiju AHŁ, jaho šlach da ŭłady, praces farmavańnia siońniašniaj sacyjalnaj madeli. Daje acenku rysam asoby Łukašenki, jaho śvietapohladu, palityčnym pierakanańniam i ŭjaŭleńniam pra śviet. Asobnyja raździeły pryśviečanyja asablivaściam stvoranaha ŭ krainie aŭtarytarnaha režyma, ekanamičnaj palitycy, mižnarodnamu kursu, dačynieńniam z Rasijaj.

I pakolki Alaksandr Łukašenka nie źbirajecca sychodzić, heta kniha nie tolki pra minułaje, ale i pra našuju budučyniu.

Usie achvotnyja zmohuć atrymać knihu z aŭtohrafam aŭtara.

***

Pačatak: 18.45. čaćvier, 21 lipienia, Hrodna, vuł. Budzionaha 48a (zała va ŭnutranym dvoryku).

Uvachod volny