Pasoł Litvy ŭ Biełarusi Edminas Bahdonas śćviardžaje, što da asnoŭnych rabot na budaŭnictvie Astravieckaj AES daloka, i biełarusy jašče mahli b pabudavać tam nie elektrastancyju, a, naprykład, handlovy centr.

«My prosta hladzim na realnaść. Ja sam učora viarnuŭsia ź Minska, jechaŭ mima placoŭki ŭ Astraŭcy. Tam vykapanaja vielizarnaja jama. Budaŭnictva idzie, prakładvajecca čyhunka. Našy finansisty, analityki, palitołahi, dypłamaty pavinny bačyć hetuju realnaść. (...) Pracy nikolki nie zamarudzilisia», - skazaŭ žurnalistam Bahdonas.

Praŭda, jon adznačyŭ, što hetyja pracy - abstalavańnie ahulnaj infrastruktury, jakaja padyšła b nie tolki dla AES. «Možna zafiksavać, što prajekt užo ažyćciaŭlajecca, kali pačynajucca pracy pa bietanavańni, prakładvajecca vodapravod i inšaje. A pakul ja prajaždžaju mima i baču, što budujecca čyhunka. Jašče nie pozna na hetym miescy pabudavać hipiermarkiet. Abo hadavalnik dla raźviadzieńnia ryby», - paŭžartam, skazaŭ dypłamat.

Jon padkreśliŭ, što pazicyja Litvy ab prajekcie Astravieckaj AES vielmi jasna vykładzienaja słužbovym asobam Biełarusi «na ŭsich mahčymych uzroŭniach».

«My nie padviarhajem sumnievu prava budavać ci nie budavać. Ale heta, my ličym, nie tolki ekanamičny vybar», - skazaŭ Bahdonas.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?