Stop-bienzin-2: kakafonija pratestu raźliłasia pa prylehłych vulicach. Praśpiekt stajaŭ pusty: ułady demanstratyŭna admaŭlajuć hramadzianam u pravie na pratest.
Praśpiekt Niezaležnaści, 19:15.
Vulica Pieršamajskaja, 19:18.
Praśpiekt, 19:29.
Redakcyjnaja mašyna "NN" :)))
Zator na Mašerava u bok vulicy Čyrvonaj.
Padčas minułaj akcyi centr Minska byŭ zapoŭnieny pratestujučymi aŭtamabilistami, jakim apładziravali piešachody. Hetaje vidovišča raźjušyła samoha Alaksandra Łukašenku. Choć jon i zahadaŭ źnizić ceny paśla taho, ale pryhraziŭ ministru ŭnutranych spraŭ adstaŭkaj u vyniku paŭtoru pratestu. U vyniku milicyja pierastarałasia. Jana całkam zabłakavała praśpiekt dla prajezdu pryvatnaha transpartu. Centr stalicy ad hetaha hladzieŭsia fantasmaharyčna.
Dziasiatki aŭtamabilistaŭ pratestavali ŭ navakollach pratestu. Sotni aŭto salidarna sihnalili, u mnohich mašynach na ŭsiu hučnaść ihrali «NRM», Coj i «Lapisy». Piešachody sparadyčna stychijna apładziravali, niahledziačy na toje, što centr horada navadnili ahienty śpiecsłužb.
Akazvajecca, što łukašenkaŭcaŭ najciažej zdušyć pratest, kali demanstranty źjazdžajucca na aŭtamabilach.
20:14
Na płoščy Pieramohi śpiecnazaŭcy zatrymali kiroŭcu pradstaŭničaha biełaha aŭto. Vyciahnuli z mašyny i paviali štrafavać u aŭto DAI.
20:00
Ruch na Mašerava adnoŭleny, ale ŭdzielnikaŭ akcyi ŭžo niama. PAZik ź cicharami źjechaŭ. Zastałrosia vielmi šmat milicejskich aŭtamabilaŭ.
19:54
Na praśpiekcie Mašerava asabisty transpart faktyčna źnik. Praśpiekt Mašerava pierakryty. Jedzie tolki hramadski transpart.
Masa cicharoŭ, a taksama videapierataraŭ z partatyŭnymi kamierami. Na rahu praśpiekta i Mašerava staić PAZik ź ludzi ŭ cyvilnym.
Na centr nasoŭvajecca navalnica.
19:50
Na rahu praśpiekta i Kazłova/Mašerava ahulnaja napružanaść spała. Mašyny raźjazdžajucca, ale zastajucca havaročyja kašuli.
19:46
Žoŭtaje «Reno» adpuścili, ale DAIšnik pieradaŭ naparniku pa racyi: «Da ciabie jedzie žoŭtaje «Reno».
Niechta na praśpiekcie, kala płoščy Pieramohi, uklučyŭ Coja «Pieramien».
Prajechaŭ mikraaŭtobus z
DAIšnik prybraŭ konusy z darohi na praśpiekcie Niezaležnaści.
Pa kole vakoł pomnika na Płoščy Pieramohi prajechała mašyna z uklučanaj avaryjkaj, simvolikaj akcyi
19:43
Na praśpiekcie Niezaležnaści ahulnaja napružanaść spała. Ludzi ŭ cyvilnym sychodziać,
19:41
Tyja, chto jedzie ŭ bok Traktarnaha, pačynajuć razhaniacca i znoŭ adčajna sihnalać. DAI pačynaje razhaniacca za imi. Vielmi šmat cicharoŭ na hetym pramiežku (kala kinateatra «Mir»).
Kala cyrka ŭ bok Płoščy Pieramohi zatrymali žoŭtaje «Reno» (chłopiec małady ŭ čornych akularach) ź biełaj stužačkaj — simvał akcyi. DAIšnik praviaraje dakumienty, adkryvaje bahažnik.
19:36
Samyja aktyvisty sihnalać la Siadziby BNF. utvaryŭsia vialiki zator na pierakryžavańni Mašerava z praśpiektam.
DAIšnik nie puskaje mašyny ŭ bok Kastryčnickaj. Šmat raźziavak, jakija ŭsio fatahrafujuć.
Častka ludziej (piešachody) kala budynka na Mašerava, 1 pačali plaskać u ładki. Źjavilisia supracoŭniki ŭ cyvilnym. Ludzi pabiehli ŭ
Padjechaŭ aŭtobus da
19:31
Redakcyjny aŭtamabil NN nabraŭsia nachabnaści i praskočyŭ praśpiektam da Akademii navuk. Praśpiekt čysty, praz kožnyja 20 mietraŭ stajać cichary ź videakamierami.
19:26
Akcyja krychu źmianiła farmat, zaraz patok mašyn ciahniecca pa Mašerava na Kazłova i dalej. Mašyny ad skryžavańnia praśpiekta da Załatoj Horcy; usie sihnalać, ludzi fotkajuć padziei na mabilniki. Usie ruchajucca vielmi pavolna.
Vialiki patok i ŭ advarotny bok. Ale tut pieravažna zator pa Mašerava.
19:23
Na pierasiačeńni Kazłova i Praśpiekta sabrałasia šmat mašyn. Usie sihnalać.
19:20
Na Pieramohi staić cichar z kamieraj i zdymaje ŭsie zapar mašyny, asabliva nie filtrujučy, u tym liku tyja, što adjazdžajuć ad Płoščy.
19:11
Z boku płoščy Niezaležnaści ŭ bok centra na Praśpiekt nikoha nie puskajuć. Praśpiekt absalutna pusty — i najšaloniejšyja zatory na prylehłych vulicach.
Prapuskajuć tolki hramadski transpart i maršrutki.
Pradstaŭniki našych siłavych struktur siońnia, vidać, skancentravanyja na fiksacyju — vielmi šmat partatyŭnych videakamier.
19:10
U bok centra ad Płoščy Pieramohi prajšoŭ PAZik ź cicharami. U rajonie Płoščy Pieramohi ich taksama šmat.
19:04
Z Kisialova mašyny vypuskajuć, ale nie vypuskajuć z boku Akademii milicyi ŭ bok centra. Prapuskajuć tolki aŭtobusy i maršrutki. Vialiki zator da Jakuba Kołasa
Kala Kupałaŭskaha teatra dva aŭtobusy biez numaroŭ i mikraaŭtobus.
Praśpiekt pierakryty taksama ad Hałoŭpaštamta ŭ bok Płoščy Pieramohi. Tyja mašyny, što vyjazdžajuć na praśpiekt u bok Jakuba Kołasa, traplajuć na jaho z bakavych vulic.
18:57
Z vulicy Pieršamajskaja zabaroniena zbočvać na Zacharava (u bok praśpiekta), to samaje ź Pieršamajskaj na vulicy Kupały ŭ bok praśpiekta.
18:51
Vy budziecie śmiajacca, ale ruch u centr znoŭ pierakryty.
Ruch ad Płoščy Pieramohi, ad samoha kalca la pomnika, u centr pierakryty, u advarotny bok try pałasy svabodnyja.
Praz kožnyja 30 mietraŭ uzdoŭž praśpiekta stajać maładyja ludzi spartovaj (i nie tolki) kamplekcyi ŭ cyvilnym. U mnohich u rukach partatyŭnyja kamiery.
18:38
Ruch u centr adnoŭleny, bo vystaŭlali ŭ centr aranžavyja konusy na asfalt.
Ruch pakul zapavoleny.
18:37
U vyniku hetaha pierakryćcia ŭtvaryŭsia vialiki zator až da stancyi mietro «Płošča Jakuba Kołasa».
18:31
DAI pierakryła praśpiekt na rahu praśpiekta Niezaležnaści i vulicy Kazłova/Mašerava.
Mašyny, jakija kiravalisia ŭ bok centra, adpraŭlajucca na vulicu Kazłova, abo
***
Čarhovaje padaražańnie bienzinu ŭ noč z 20 na 21 lipienia vyklikała niezadavolenaść aŭtamabilistaŭ.Pavodle vynikaŭ abmierkavańnia ŭ internecie,
aŭtamabilisty chočuć paŭtaryć scenar 7 červienia. Jany źbirajucca, aDyrektar19-j vyjechać na centralnyja praśpiekty biełaruskich haradoŭ i paralizavać ruch.
Nahadajem, što padčas pratestu suprać rostu cenaŭ 7 červienia sotni aŭtaamataraŭ zabłakavali praśpiekt Niezaležnaści ŭ Minsku. Taja akcyja była paśpiachovaj — na nastupny dzień Alaksandr Łukašenka byŭ vymušany addać zahad pamienšyć ceny.
