Ź Leninskaha RAUS Bresta viečaram 20 lipienia adpuščanyja ŭsie zatrymanyja da i paśla maŭklivaj akcyi pratestu, paviedamiŭ pravaabaronca Raman Kiślak.
«U 20.45 biez składańnia pratakołaŭ byli vyzvalenyja aktyvist arhkamiteta pa stvareńni partyi „BCHD“ Dźmitryj Šurchaj, karespandent „Radyjo Racyja“ Alisa Pol, aktyvist AHP Marat Nieściarenka, aktyvist BSDP (Hramada) Alaksiej Koŭtun i jašče dva maładyja čałavieki, zatrymanyja padčas akcyi», — skazaŭ Kiślak.
Pavodle jaho słoŭ, žurnalistku, a taksama aktyvistaŭ AHP i BSDP (Hramada) u RAUS papiaredzili pra toje, što ŭ centry horada pa sieradach pravodziacca niesankcyjanavanyja masavyja mierapryjemstvy i ŭ vypadku, kali jany buduć brać u ich udzieł, to paniasuć administracyjnuju adkaznaść na padstavie artykuła 23.34 KoAP. U niekatorych uziali adpiačatki palcaŭ i źniali dla videakartateki.
Pravaabaronca zaznačyŭ, što Pol i Nieściarenka byli zatrymanyja ŭ 18.55 u Breście na padychodzie da kinateatra «Biełaruś», dzie była zapłanavanaja maŭklivaja akcyja pratestu. Niedaloka ad pierasiačeńnia vulic Savieckaja i Dziaržynskaha zatrymali Koŭtuna. U 19.10 na vulicy Bresckich dyvizij na vačach u člena RHA «Pierśpiektyva» Uładzimira Katryča byŭ zatrymany Šurchaj.
«Dźmitryja Šurchaja zatrymali biez tłumačeńnia pryčyn i pratrymali ŭ RAUS biez pradjaŭleńnia
