Alaksandr Łukašenka ŭ čas rabočaj pajezdki pa Viciebskaj vobłaści naviedaŭ spartyŭnuju bazu ŭ Pastavach i ŭ razmovie z adnym ź miascovych dziciačych futbolnych trenieraŭ padzialiŭsia svaim mierkavańniem ab sučasnym stanoviščy spraŭ u hulni №1 (adznaka na videa 7.55).
«Kali ŭ ciabie nie budzie fizičnaj padrychtoŭki i chutkaści, to ... Niachaj buduć u ich Maradony, Piele - heta ŭžo nie toj futboł. Kali b jany ciapier hulali sa zbornaj anhlijskaha Piele, jak voś u Anhlii byŭ čempijanat [1966], ja hladzieŭ, Piele hulaŭ tam. Dyk voś pastaŭ tvaich dziaciej suprać ich - 0:6 lik byŭ by, a to i bolš. Bo nie toj futboł. Bieź fizičnaj padrychtoŭki i chutkaści nikoli nie budzie ŭ nas futbalistaŭ», - skazaŭ jon.
Taksama Alaksandr Łukašenka prabiŭ pienalci hałkipieru miascovaj škoły, adnak bramnik namiortva ŭziaŭ ŭdar u vierchni kut (na videa -- 8:25).