Scenar akcyj «Revalucyja praz sacyjalnyja sietki» zachoŭvaje svaju pieršapačatkovuju paradyhmu — niehvałtoŭnaje vykazvańnie niazhody ź isnym režymam.Heta pieršapačatkova byli apładysmienty, a praz paŭtara miesiaca stali ekrany mabilnikaŭ. Z adnaho boku, heta adpaviadaje ideałohii niehvałtoŭnaha supracivu, la vytokaŭ jakoha stajaŭ Machatma Handzi, a z druhoha — u sučasnych biełaruskich umovach heta naradžaje piesimizm adsutnaściu pierśpiektyvaŭ raźvićcia.
Nadziva, natchnialniki akcyj vielmi daloka dystancyjavalisia ad asnoŭnych pytańniaŭ sučasnaha palityčnaha žyćcia Biełarusi —vyzvaleńnia niezakonna asudžanych aktyvistaŭ, źmien vybarčaha zakanadaŭstva dziela praŭdzivaha padliku hałasoŭ. Ale heta nie ŭratoŭvaje ŭdzielnikaŭ akcyj ad represij z boku režymu. Adsutnaść pazityŭnaj dziejnaści padčas akcyj nie dadaje im prychilnikaŭ, nie natchniaje na dalejšyja sustrečy ŭ sierady.
«Revalucyja praz sacyjalnyja sietki» žyvie svaim žyćciom, jakoje płanujecca kołam małaviadomych aktyvistaŭ. Ale spad aktyŭnaści na akcyjach padšturchoŭvaje da pošuku novych form niehvałtoŭnaha supracivu.
Padajecca, što najbolš spryjalnaj formaj moža stać napisańnie listoŭ salidarnaści da palityčnych viaźniaŭ Biełarusi.Napisać adrazu ŭsim viaźniam niemahčyma, ale za pieršyja paŭhadziny mahčyma padpisać listy da dziasiatka viaźniaŭ, a potym nakiravać ich z pošty zakaznymi. Kali apryčniki ŭ štackim buduć pieraškadžać dasyłańniu listoŭ, to heta možna budzie zrabić na nastupny dzień. Najbolš efiektyŭnaj spravaj adnačasova z salidarnaściu ź viaźniami źjaŭlajecca napisańnie listoŭ da kiraŭnika Biełarusi abo adpaviednych struktur nakont vyzvaleńnia palityčnych viaźniaŭ. Tut užo sama dyrektyva kiraŭnika spryjaje atrymańniu adkazaŭ pa sutnaści zvarotaŭ. Kali b tysiačy ŭdzielnikaŭ niehvałtoŭnaha supracivu pačali pisać listy z patrabavańniami vyzvaleńnia viaźniaŭ, a hetaja hramadzianskaja kampanija padtrymlivałasia b u niezaležnych ŚMI, to čas vyzvaleńnia viaźniaŭ nabliziŭsia b.
Praz peŭny čas mahčyma było raspačać stadyju niehvałtoŭnaha supracivu nakont źmienaŭ vybarčaha zakanadaŭstva. Takaja kampanija taksama skiravanaja na pieramieny i moža padtrymlivacca šyrokim kołami hramadzianskaj supolnaści.
Razhortvańnie dadzienych scenaraŭ akcyj, liču, nadaść dynamizm niehvałtoŭnamu supracivu, jaki pavinien pašyracca i nabyvać bolš masavyja formy. Vidavočna, što Biełarusi ŭžo ciesna ŭ miežach kałhasnaj sistemy, jakaja metaskiravana zachoŭvajecca ŭ Biełarusi apošnim časam.
0
0
0
0
0
0
