Biełstat ahučyŭ vyniki papiaredniaha daśledavańnia miedyjannaha zarobku ŭ Biełarusi. Raniej vyličvaŭsia tolki siaredni. U čym adroźnieńnie? Siaredni zarobak vyličvajecca nadzvyčaj prosta — ahulnaja suma zarobkaŭ pa ŭsioj krainie dzielicca na kolkaść rabotnikaŭ. Za košt nadzvyčaj vysokich dachodaŭ u niekalkich tysiač biznesoŭcaŭ siaredni zarobak atrymlivajecca zavyšanym u paraŭnańni z rečaisnaściu.
Ekanamisty nazvajuć miedyjanny padlik bolš abjektyŭnym — heta zarobak siaredniaha biełarusa.Jon vyličvajecca inačaj. Naprykład, piać biełarusaŭ zarablajuć 800 tysiač, 900 tysiač, 1 miljon, 1,1 miljona i 100 miljonaŭ rubloŭ adpaviedna. Siaredni zarobak u takoj situacyi składaje 20,76 miljona, a miedyjanny — 1 miljon. Heta zarobak čałavieka, jaki znachodzicca ŭ siaredzinie šerahu zarobkaŭ.
Takim čynam, 28,7% biełarusaŭ zarablajuć 1–1,5 miljona. Jašče 19,5% čałaviek majuć ad 1,5 da 2 miljonaŭ rubloŭ.
Kolkaść zusim biednych (mienš za 500 tysiač rubloŭ) paraŭnalna nievialikaja — 2,9%.
Ale i «bahatych» niašmat. Usiaho 6,5% biełarusaŭ atrymlivajuć bolš za 3 miljony rubloŭ ($500 u ekvivalencie). Bolšaść ź ich zajmajecca finansavaj dziejnaściu, apieracyjami ź nieruchomaściu i budaŭnictvam.
Raźmierkavańnie rabotnikaŭ Biełarusi pa pamierach naličanaha zarobku (dyjahrama Biełstata)
