U sieradu słavuty «Biełaruski Svabodny teatr» raspačaŭ sieryju svaich vystupaŭ u teatry Almeida ŭ Łondanie.
Artysty pradstavili śpiektakl «Eurepica. Challenge», jaki składajecca ź niekalkich scenaŭ aŭtarstva niekalkich aŭtaraŭ z roznych krainaŭ Jeŭropy.
Pierad pradstaŭleńniem kiraŭnik teatra Mikałaj Chalezin zrabiŭ nievialikuju pramovu. U faje teatra ŭ hety samy čas prachodzić fotavystava partretaŭ svajakoŭ palitviaźniaŭ, aŭtar — fatohraf Andrej Dubinin.
Dla mianie heta było pieršaje ŭbačanaje niepalityčnaje pradstaŭleńnie teatra, chacia scena pa scenaru Mikałaja Chalezina, dzie pradstaŭleny manałoh śledčaha KDB, jaki dapytvaje zatrymanaha na demanstracyi studenta, była, viadoma, vyrazna palityčnaju.
Chanžanskija biełaruskija kulturnyja biurakraty, viadoma, nikoli nie acanili b niekatoryja pravakatyŭnyja elemienty śpiektakla. Ale čynić za heta pieraśled teatra, navat za palityčnuju pazicyju jaho kiraŭnictva — heta prosta hłupstva.
Mikałaj Chalezin: pramova pierad pačatkam śpiektakla
Fotavystava Andreja Dubinina
kiraŭnik teatra Almeida, viadomy brytanski teatralny režysior Majkł Atenboroŭ
Mikałaj Chalezin
Natalla Kalada
Akramia taho, što heta sapraŭdy talenavityja ludzi, «Svabodny teatr» — na siońniašni dzień hałoŭnyja ambasadary demakratyčnaj biełaruskaj hramadskaści ŭ śviecie, ludzi, jakija bolš, čym chtoś jašče, robić dla pryciahnieńnia ŭvahi da biełaruskich prablemaŭ. Pabolej by nam takich ludziej.
«Svabodny teatr» daść šeść śpiektaklaŭ u Łondanie, apošni — 26 lipienia. Kali vy ŭ Łondanie — paśpiejcie naviedać! Padrabiaźniej hladzicie tut.