Minski haradski sud pakinuŭ biez zadavalnieńnia kasacyjnyja skarhi jašče šaści fihurantaŭ kryminalnaj spravy ab masavych biesparadkach 19 śniežnia — Uładzimira Łobana, Andreja Fiedarkieviča, Dźmitryja Daronina, Siarhieja Kazakova, Jaŭhiena Sakreta i Vitala Macukieviča. Takoje rašeńnie pryniała 22 lipienia kalehija Minharsuda pad staršynstvam Uładzimira Ściapurki.
Sud Maskoŭskaha rajona Minska pryznaŭ ich vinavatymi na padstavie častki 2 artykuła 293 Kryminalnaha kodeksa (masavyja biesparadki). Łoban pryhavorany da troch hadoŭ pazbaŭleńnia voli, Fiedarkievič — da troch z pałovaj hadoŭ, Sakret — da troch hadoŭ, Kazakoŭ — da troch hadoŭ, Daronin — da troch z pałovaj hadoŭ pazbaŭleńnia voli ŭ kałonii ahulnaha režymu, Macukievič — da troch hadoŭ pazbaŭleńnia voli ŭ kałonii stroha režymu.
Pavodle słoŭ advakataŭ asudžanych, rašeńnie ab tym, ci padavać skarhi ŭ Viarchoŭny sud, budzie pryniata paźniej.
