Pamierła dziaŭčyna, jakuju źbiła fura na vychadzie sa stancyi mietro «Mahiloŭskaja» 11

Jana stała druhoj achviaraj žudasnaj avaryi, što zdaryłasia ŭ noč na 6 lipienia 2011 hoda.

Fota Kanstancina Charłamava

U balnicy pamierła dziaŭčyna, jakaja trapiła pad koły fury na vychadzie sa stancyi mietro «Mahiloŭskaja» ŭ noč na 6 lipienia. Pra heta paviedamlaje Auto.onliner.by sa spasyłkaj na pres-słužbu minskaha DAI.

U toj avaryi na Partyzanskim praśpiekcie zahinuŭ kiroŭca taksi. Jahonuju «Reno Łohan» hružany ruchavikami «MAZ-54329» prataraniŭ pieršaj. Potym fura sutyknułasia jašče z tryma lehkavikami — «Reno Łahuna», «Aŭdzi A4», «BMV-525».

Paśla sutyknieńnia ź lehkavymi aŭtamabilami fura vyjechała na prypynačny punkt «st.m.Mahiloŭskaja», źbiła mužčynu 1953 hoda naradžeńnia, što siadzieŭ na łaŭcy. Zatym jana zajechała na zaprašalnuju placoŭku druhoha viestybiula stancyi mietro «Mahiloŭskaja», dzie najechała dziaŭčynu 1992 hoda naradžeńnia, studentku adnaho z VNU Minska, jakaja ŭ toj momant vychodziła ź mietro. Ratavalniki MNS z vykarystańniem hidraŭličnaha instrumienta dastali dziaŭčynu z-pad kołaŭ hruzavika.

NN.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH