Uładzimira Rodčanku 21 lipienia supracoŭnik DAI spyniŭ kala stadyjona «Nioman» u Hrodnie. «Jon nie pradstaŭviŭsia, ale zapatrabavaŭ maje dakumienty. Ja paprasiŭ pakazać spačatku jahonyja, nazvać pryčynu, pa jakoj mianie spyniŭ.
Tolki z treciaj sproby supracoŭnik dastaŭ dakumienty i pakruciŭ ich u rukach. Pry sprobie razhladzieć ich bližej ja pačuŭ, što «pieradavać nielha». I schavaŭ. Ja praciahnuŭ svaje pravy. Jon ich zabraŭ. I, nie pravieryŭšy, pa racyi pieradaŭ: «Znajšoŭ, patrebna padmacavańnie».

Pryjechali jašče troje DAIšnikaŭ. Pa słovach Uładzimira, usie pačali razhladać jaho dakumienty. Na pytańnie: «Pa jakoj pryčynie spynili?» atrymaŭ adkaz — «Zaraz raźbiaromsia i daviedajemsia».

«U hety čas byŭ atrymany pa racyi zahad: «Pakujcie jaho!» Skazali, što treba mianie dastavić u DAI». Kiroŭca skazaŭ, što nie bačyć dla hetaha padstaŭ.

«Pradjavicie dla ahladu sałon i bahažnaje adździaleńnie». — «Na jakoj padstavie?» — «Što značyć na jakoj padstavie?» — «Pakažycie dakumienty i nazavicie pryčynu nadhladu asabistych rečaŭ». — «U suviazi z padziejami ŭ Minsku». — «Ź jakimi?» — «U suviazi z padziejami ŭ Minsku». — «U nas ich šmat». — «Adčyniajcie bahažnik». — «Dobra».

Paśla Uładzimiru zahadali padniać kapot — nibyta dla źvierki numaroŭ kuzava. U vyniku supracoŭniki admovilisia hladzieć numar na miescy. Tady kiroŭca paprasiŭ skłaści pratakoł, u jakim ukazać proźviščy ŭsich supracoŭnikaŭ DAI. Apošnija paabiacali zrabić usio «tam». Pry hetym adzin ź ich zahadaŭ pasažyru, siabru Uładzimira, vyjści z mašynu i iści «kudy choča».

Uładzimira z mašynaj dastavili ŭ DAI, dzie inšy supracoŭnik prapanavaŭ jamu zapoŭnić błank apytańnia, «za što vas zatrymali».

U vyniku Uładzimira Rodčanku zatrymali na try hadziny i vypisali štraf za adsutnaść aptečki ŭ aŭtamabili, jakaja, pa słovach kiroŭcy, była na miescy. Z adzinaccaci DAIšnikaŭ, ź jakimi daviałosia razmaŭlać Uładzimiru tolki adzin nazvaŭsia. Heta A.Fiadotaŭ. Na takija dziejańni słužbovych asob mužčyna napisaŭ skarhu. Jon nie źbirajecca puskać spravu na samaciok.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?