Miaśnikovič: Ekanomika jašče nie hatova da svabodnaha płavańnia rubla 1

zajaviŭ prem'jer-ministr Michaił Miaśnikovič 22 lipienia na cyrymonii ŭručeńnia ŭznaharod pieramožcam respublikanskaha konkursu «Lepšy pradprymalnik 2010 hoda».

«Na adziny kurs biełaruskaha rubla my vyjdziem u bližejšyja paru miesiacaŭ, — skazaŭ jon. — Heta ekanamičnaja nieabchodnaść, i pa hetym pytańni nie moža być inšych mierkavańniaŭ».

Kiraŭnik urada nazvaŭ umovy vychadu na adziny kurs: stvareńnie «paduški biaśpieki» pa zołatavalutnych reziervach, źnižeńnie deficytu źniešniaha handlu, bolš žorstkaje valutnaje rehulavańnie i kantrol. «Zaraz urad i Nacbank raspracoŭvajuć dadatkovyja miery dla ŭzmacnieńnia kantrolu valutnych patokaŭ na roźničnym i biržavym valutnych rynkach», — skazaŭ prem'jer-ministr. Jon nahadaŭ, što ŭ mai ŭpieršyniu za mnohija hady byŭ adznačany praficyt źniešniaha handlu ŭ pamiery amal 117 młn. dołaraŭ ZŠA.

Miaśnikovič paviedamiŭ, što ŭrad i ŭ dalejšym budzie padtrymlivać ekspartna aryjentavanyja i impartazamiaščalnyja vytvorčaści. Prajekt adpaviednaha ŭkaza prezidenta adpraŭleny jamu na razhlad. «U hetaj situacyi ŭrad słuchaje i čuje biźnies, ale, na žal, niekatoryja kiraŭniki biźnies-sajuzaŭ u pahoni za tannaj papularnaściu robiać hučnyja zajavy i nahniatajuć straści, — skazaŭ prem'jer-ministr. — Pa hałoŭnym ciapierašnim pytańni — pytańni kursaŭtvareńnia — prašu biźnies čuć i ŭrad. My nikoli nie pojdziem na povadzie ŭ čystych imparcioraŭ i śpiekulantaŭ i nie pakiniem biełaruski rubiel u svabodnym płavańni, bieź interviencyj. Naša ekanomika zaležyć ad źniešniaha handlu, i da hetaha jana jašče nie hatova».