Abjadnańnie «Ajčynie i Svabodzie» / DNNŁ padrychtavała papraŭki da Kryminalnaha kodeksu Łatviju. Jany praduhledžvajuć mahčymaść kryminalnaha karańnia asobaŭ, jakija publična admaŭlajuć fakt akupacyi hetaj krainy.
Pres‑sakratar abjadnańnia Roland Petersans paviedamiŭ, što «ajčynaŭcy» prapanujuć dapoŭnić Kryminalny kodeks novym artykułam, jaki vyznačaje, što publičnaje admaŭleńnie faktu jakoj by ni było akupacyi Łatvii ci publičny zaklik da admaŭleńnia hetaha faktu mohuć karacca pazbaŭleńniem voli na termin da troch hadoŭ ci hrašovym štrafam ŭ pamiery 60‑ci minimalnych zarobkaŭ. Staršynia parlamenckaj frakcyi Marys Hrynbłats zajaviŭ : «Dziaržava musić kłapacicca pra toje, kab u hramadztvie panavała adno razumieńnie najvažniejšych faktaŭ historyi Łatvii”.
Papraŭki majuć šaniec być pryniatymi, pakolki abjadnańnie «Ajčynie i Svabodzie» / DNNŁ uvachodzić u kiroŭnuju kaalicyju.
