i nie padzialicca ŭražańniem ad artykułu «Navuka i hramadztva» ŭ dziaržaŭnaj hazecie «SB» za 12 śniežnia. Kali ŭžo pačali pisać takija artykuły, značyć, my sapraŭdy nazirajem apošniuju ahoniju idealohii našaj dziaržavy. Padniać z prachu ateizm i vykłaści ŭ takoj savieckaj ahitformie — heta pačatak kanca. Kali ja čytała artykuł, dyk nia viedała, ci to śmiajacca, ci to płakać. Kali jaho dačytała, dyk zrazumieła — nabližajecca vykanańnie praročaha słova. Pierad raspadam SSSR było šmat praroctvaŭ pra toje, što Boh razburyć hetu systemu zła, i kamunistyčny režym ruchnie. Chryścijanam tych časoŭ ciažka było pavieryć u heta, i niešmatlikija vieryli. Ale chutka heta adbyłosia, i tak chutka, što ludzi nie byli hatovyja da takich pieramienaŭ. Praroctvy spoŭnilisia. I ciapier ja chaču pracytavać praroctva na našu krainu: «Jak Boh zrujnavaŭ žaleznuju zasłonu, jak Boh zrujnavaŭ bambukavuju zasłonu ŭ Afrycy, tak Boh zrujnuje hetuju zasłonu ŭ Biełarusi». Ja vieru, što hety dzień budzie. I my na parozie vialikich pieramienaŭ. I nam ciapier nielha zdavacca i rasčaroŭvacca. My dačakajemsia abiacanaha ad Boha.
