U Biełarusi płanujecca pavysić taryfnuju staŭku pieršaha razradu, zajaviŭ Alaksandr Łukašenka, vystupajučy z dakładam na naradzie piedahahičnaha aktyvu Biełarusi.

Pavodle jaho słovaŭ, hałoŭny pryncyp dziaržaŭnaj palityki ŭ Biełarusi — heta intaresy ludziej. «My ludziej nie pakryŭdzim i ŭ hety składany pieryjad. Pa majmu daručeńniu ŭrad raspracavaŭ i ŭ bližejšyja dni prymie šerah mier pa sacyjalnaj abaronie roznych słajoŭ nasielnictva», — skazaŭ jon.

U pryvatnaści, biudžetnikam i niepracujučym piensijanieram praduhledžana vypłacić adnarazovuju materyjalnuju dapamohu ŭ pamiery Br500 tys. dla siezonnaj zakupki sielhaspradukcyi.

«Zatym płanujecca pavysić taryfnuju staŭku pieršaha razradu dla apłaty pracy rabotnikaŭ biudžetnych arhanizacyj. Buduć štokvartalna raści dapamohi siemjam, jakija vychoŭvajuć dziaciej.

U čaćviortym kvartale biahučaha hoda płanujecca pavieličeńnie ŭ dva razy adnarazovaj dapamohi ŭ suviazi z naradžeńniem dziciaci. Taksama vyrastuć piensii i stypiendyi», —
paviedamiŭ Prezident.

«My budziem i dalej trymać situacyju ŭ ekanomicy i sacyjalnaj śfiery pad kantrolem», — dadaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?