U novym siezonie Vialiki teatr opiery i baleta pradstavić siem premjer 3

U novym 79-m siezonie Nacyjanalny akademičny Vialiki teatr opiery i baleta pradstavić siem premjer. Pra heta paviedamiŭ hienieralny dyrektar teatra Uładzimir Hrydziuška 30 žniŭnia na pres-kanfierencyi ŭ Minsku.

Pavodle jaho słoŭ, 9 i 12 vieraśnia pieršaj premjeraj siezona stanie kamičnaja opiera «Sievilski cyrulnik» Džaakina Rasini (dyryžor-pastanoŭščyk — Džanłuka Marčyjana, režysior — Michaił Pandžavidze, mastak — Alaksandr Kaściučenka, chormajstar — Nina Łamanovič, mastak pa kaściumach — Eleanora Hryharuk).

Jak raskazaŭ Michaił Pandžavidze, śpiektakl pastaŭleny ŭ žanry kamiedyi del-arte, jaki dapuskaje hrateskavaje pierabolšańnie čałaviečaha charaktaru. Ad akcioraŭ hety žanr patrabuje «składanaha sceničnaha isnavańnia», nie tolki vydatnych vakalnych, ale i akciorskich danych. Na pieršych pakazach śpiektakla hałoŭnyja roli vykanajuć: Hraf Almaviva — Juryj Haradziecki, Razina — Taćciana Haŭryłava, Fiharo — Stanisłaŭ Tryfanaŭ.

Džanłuka Marčyjana ŭ svaju čarhu adznačyŭ, što dziakujučy surjoznaj pracy akcioraŭ i muzykantaŭ u Biełarusi ŭdałosia pastavić vydatnuju opieru italjanskaha kampazitara tak, jak jana zadumvałasia, — «u styli Rasini». Takija pastanoŭki zvyčajna charakternyja dla Italii.

Jak paviedamiŭ Uładzimir Hrydziuška, u listapadzie teatr pradstavić premjery baletaŭ «Šachierazada» i «Tamar» sa spadčyny «Ruskich siezonaŭ» Siarhieja Dziahileva. Ich pastanoŭku na biełaruskaj scenie ažyćciaŭlaje viadomy tancoŭščyk i chareohraf, narodny artyst Rasii Andrys Lijepa.

U śniežni adbudziecca premjera jašče adnoj italjanskaj opiery — «Lučyja dy Łamiermur» Haetana Daniceci.

U pieršaj pałovie 2012 hoda teatr padrychtuje premjery baletaŭ «Žyzel» Adolfa Adana ŭ pastanoŭcy narodnaha artysta SSSR Mikity Dałhušyna i «Aniuta» Valeryja Haŭrylina ŭ pastanoŭcy narodnaha artysta SSSR Uładzimira Vasiljeva.

Apošniaj premjeraj siezona stanie opiera «Turandot» Džakoma Pučyni u novaj sceničnaj viersii Michaiła Pandžavidze.

Akramia taho, pry spryjalnym źbiehu akaličnaściaŭ mahčyma rekanstrukcyja śpiektakla «Jaŭhien Aniehin» Piatra Čajkoŭskaha.

Pavodle słoŭ Hrydziuški,

košt biletaŭ na śpiektakli teatra budzie vahacca ad 7 tys. (na miescy z abmiežavanaj bačnaściu) da 80 tys. rubloŭ.

U novym siezonie ceny na bilety nie pavyšali.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH