Vystava «Fatahrafičnaja ekśpiedycyja — 3. Paleśsie» — čarhovaja sproba prademanstravać hledačam frahmienty «katałohaŭ asabistych uražańniaŭ» ad kantaktu ź nieviadomaj biełaruskaj realnaściu za miežami stalicy.

Jana adkryjecca ŭ haradskoj mastackaj halerei tvoraŭ Ł. Ščamialova 29 vieraśnia.

Pieršaja častka prajekta, pradstaŭlenaja na vystavie «Fatahrafičnaja ekśpiedycyja: na zachad ad Minska» ŭ Halerei vizualnych mastactvaŭ NOVA ŭ śniežni 2008 — studzieni 2009, ekspanavała archiŭ padarožža pa tradycyjnym zachodniebiełaruskim turystyčnym maršrucie: Kreva, Halšany, Traby, Baruny, Surviliški, Niaśviž, Mir, Kareličy, Iŭje (sakavik 2008).

Druhaja častka prajekta była zavieršanaja ŭ vyhladzie vystavy-kvaternika ŭ majsterni Ihara Piešachonava. Heta byŭ svojeasablivy vynik padarožža pa paŭdniovym zachadzie Biełarusi (Słonim, Synkavičy, Ružany, Kosava, Biaroza Kartuzskaja, kastryčnik 2008), pakazany ŭ kamiernaj i rabočaj abstanoŭcy tvorčaj majsterni.

Treciaja ekśpiedycyja prajšła ŭ traŭni 2009 h. pa Paleskim rehijonie: Turaŭ, Vieraśnica, Novabiarežnaje, Stolin, Pinsk, Zakaziel.

Vynik hetaj pajezdki, pradstaŭleny ŭ vyhladzie novaj vystavy ŭ muziei, taksama nieadnastajny i subjektyŭny i čaściej za ŭsio nie źviazany z tak zvanaj «krajaznaŭčaj» fatahrafijaj, jakaja tradycyjna naradžajecca ŭ vyniku takich padarožžaŭ. Faktyčna, sumiesnaja vystava składajecca z aŭtarskich mini-vystavaŭ, u jakich robiacca vidavočnymi adroźnieńni jak žanravych, tak i stylistyčnych pieravahaŭ stałych aŭtaraŭ-udzielnikaŭ fotaekśpiedycyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?