Pastanoŭki «Nie moj» i «Nabuka» stali pryznanyja najlepšymi 1

Lepšymi śpiektaklami pieršaj Nacyjanalnaj teatralnaj premii Biełarusi pryznanyja «Nie moj» Alesia Adamoviča ŭ pastanoŭcy Nacyjanalnaha akademičnaha teatra imia Janki Kupały i opiera «Nabuka» Džuziepie Vierdzi ŭ pastanoŭcy Nacyjanalnaha akademičnaha Vialikaha teatra opiery i baleta. Takoje rašeńnie pryniała Biełaruskaja teatralnaja akademija — hanarovaje žury premii, u skład jakoha ŭvajšli 112 dziejačaŭ kultury.

Uračystaja cyrymonija zakryćcia teatralnaj premii, jakaja prajšła 10 kastryčnika ŭ opiernym teatry, pačałasia z šeścia udzielnikaŭ i haściej hetaha kulturnaha prajekta pa čyrvonaj darožcy. Adnak imiony łaŭreataŭ premii hledačy daviedalisia na hadzinu paźniej zadumanaha — doŭhi čas zaniaŭ padlik hałasoŭ žury, jakoje vyznačała pieramožcaŭ u siami naminacyjach.

Za ŭznaharody debiutnaj teatralnaj premii spaborničali 12 śpiektaklaŭ-naminantaŭ: «Nabuka» (Nacyjanalny akademičny Vialiki teatr opiery i baleta), «Nie moj» (NAT imia Ja. Kupały), «Soniečka» (Respublikanski teatr biełaruskaj dramaturhii), «Kvartet " (Nacyjanalny akademičny dramatyčny teatr imia Jakuba Kołasa), «Eśfir» (Nacyjanalny akademičny dramatyčny teatr imia Maksima Horkaha), «Aršyn mał ałan» (Biełaruski dziaržaŭny akademičny muzyčny teatr), «Draj švestern» (Biełaruski dziaržaŭny teatr lalek), «Sabaka na sienie» (Dramatyčny teatr Biełaruskaj Armii), «Mahičnaje lustra pana Tvardoŭskaha» (Hrodzienski abłasny teatr lalek), «Chrosnaja maci» (Homielski abłasny dramatyčny teatr), «№ 13» (Teatr-studyja kinaakciora Nacyjanalnaj kinastudyi «Biełaruśfilm»), «Tarełkin» (Mahiloŭski abłasny dramatyčny teatr).

Takim čynam, lepšaj sučasnaj biełaruskaj pastanoŭkaj staŭ śpiektakl «Nie moj». U naminacyi «Lepšaja praca mastaka-pastanoŭščyka» ŭznaharodu atrymaŭ Barys Hierłavan («Nie moj»), «Lepšaje muzyčnaje afarmleńnie śpiektakla» — Aleh Chadoska («Nie moj»).

Śviatłana Anikiej za vobraz Paliny ŭ hetym śpiektakli atrymała pryz za lepšuju žanočuju rolu. Pieramožcam u naminacyi «Lepšaja mužčynskaja rola» staŭ Pavieł Charłančuk-Južakoŭ, jaki syhraŭ Džordža Pihdena ŭ śpiektakli «№ 13» pavodle Reja Kuni.

Narešcie, lepšaj režysiorskaj rabotaj była nazvanaja praca hałoŭnaha režysiora Biełaruskaha dziaržaŭnaha teatra lalek Alaksieja Lalaŭskaha za pastanoŭku «Draj šviestern» pavodle Antona Čechava.

Ministr kultury Biełarusi Pavieł Łatuška na zakryćci premii adznačyŭ, što «minuły tydzień byŭ unikalnaj mahčymaściu, kab pahladzieć na našyja vytoki i na sučasny stan našaha teatralnaha mastactva».

«My možam skazać, što naš teatr vysokaprafiesijny, sučasny, zapatrabavany, — adznačyŭ ministr. — I siońnia my sabralisia tut dziela taho, kab pahladzieć adzin adnamu ŭ vočy i jašče raz skazać dobryja dy ciopłyja słovy ŭsim tym, chto pracuje dla teatralnaha mastactva našaj krainy».

Zachar Ščarbakoŭ, BiełaPAN.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH