Federalnyja pravaachoŭnyja orhany ZŠA viaduć pošuki dvuch hramadzianaŭ Biełarusi, jakija pieraviali na svaje rachunki bolš za 60 tysiač dalaraŭ. Jany ŭpisvali indyvidualnyja numary i asabistyja dadzienyja padatkapłatnikaŭ ŭ formy viartańnia padatkaŭ, zapłačanych pamierłymi ŭ hod śmierci.
Jak havorycca ŭ tekście abvinavačańniaŭ, jakija buduć vystaŭlenyja biełarusam pa artykułach «zmova» i «machlarstva», 25‑hadovy Alaksiej Pahodzin i 27‑hadovy Dźmitry Huzaŭ praź internet atrymali persanalnyja dadzienyja bolš jak 150 pamierłych, jakija padavali ŭ hod śmierci deklaracyi ŭ federalnyja padatkovyja orhany ZŠA i bolš jak 130 — u padatkovuju słužbu štatu Viskonsin.
Pry hetym machlary byli nia nadta vynachodlivyja j padavali da ŭsich imionaŭ adnu i tuju ž padatkovuju deklaracyju, hadavaja suma dachodaŭ u jakoj składała 19.140 dalaraŭ, ź jakich byli zapłačanyja 2.080 dalaraŭ padatkaŭ, u vyniku čaho padatkovyja orhany byli vinnyja viarnuć 731 dalar.
U ZŠA padatki płaciacca ciaham hodu na padstavie federalnych i rehijanalnych zakonaŭ, adnak kali čałaviek zapłaciŭ bolš, čym naležała, pry kancy finansavaha hodu jamu viartajuć pierapłatu.
Ilustracyja — Siarhiej Alimaŭ, seryja «Miortvyja dušy», frahment karciny «Čyčykaŭ, Sielifan i Piatruška», 2000 h., papiera, ałovak. Allabulgallery.com