31 studzienia na pasiedžańni Palityčnaj rady Abjadnanych demakratyčnych siłaŭ vyrašana pravieści Kanhres demakratyčnych siłaŭ 17–18 sakavika. Taksama było pryniataje rašeńnie zładzić masavuju akcyju pratestu na Dzień Voli. Rašeńnie było pryniataje adzinahałosna. Na pasiedžańni adsutničaŭ Alaksandar Milinkievič, jaki pierabyvaje ź vizytam u Berlinie.
Anatol Labiedźka zaklikaŭ taksama padrychtavać da Kanhresu prajekt “małoj Kanstytucyi”, jakaja b akreślivała formu kiravańnia krainaj na pierachodny peryjad ad momantu palityčnych pieramienaŭ da vypracoŭki paŭnavartaha asnoŭnaha zakonu, a taksama platformu z adkazami na aktualnyja pytańni, kab ź imi vyjści na vybary 2008 hodu.
Było taksama pryniataje rašeńnie pravieści masavuju akcyju pratestu 25 Sakavika – u dzień abviaščeńnia Biełaruskaj Narodnaj Respubliki. Raniej A.Labiedźka i A.Kazulin prapanoŭvali pravieści hałoŭnuju akcyju 19 sakavika – na hadavinu prezydenckich vybaraŭ.
