Staršynia praŭleńnia Nacyjanalnaha Banku Biełarusi admoviŭsia davać prahnozy adnosna taho, jakaja staŭka refinansavańnia (SR) budzie ŭ Biełarusi praź miesiać ci dva. Piotar Prakapovič taksama nia staŭ śćviardžać toje, što pieršaje za apošnija 5 hadoŭ pavyšeńnie SR u Biełarusi z 1 lutaha h.h. da 11 % hadavych — sioleta apošniaje.
“Adnosna staŭki refinansavańnia hałoŭnaja zadača Nacbanku — heta aperatyŭnaje j uzvažanaje reahavańnie na źmianieńnie sytuacyi ŭ ekanomicy krainy, samoj krainie i za jejnymi miežami”, — skazaŭ 31 studzienia hałava Nacbanku žuranlistam.
“Tamu, jakaja staŭka budzie zaŭtra ci praź miesiac ci praz dva, ja kazać nie mahu... jak i kazać pra toje, što sioleta heta apošniaje pavyšeńnie staŭki”, — zajaviŭ Prakapovič.
Ale ź jahonych słovaŭ nijakich “padstavaŭ dla pavyšeńnia SR bližejšymi tydniami ci miesiacami niama”.
“Usio zaležyć ad sytuacyi ŭ ekanomicy i na valutnych rynkach”, — patłumačyŭ hałava Nacbanku.
Jon nahadaŭ, što pavyšeńnie SR źviazana biespasiarednie z adsotkavaj palitykaj Nacbanku i skiravana na pavieličeńnie “pryvabnaści ŭnioskaŭ nasielnictva i pradpryjemstvaŭ u bankaŭskaj systemie, asabliva biełaruskimi rublami”.
Prakapovič taksama patłumačyŭ, što źmianieńnie SR — praces składany.
“Hetaje rašeńnie prymajecca na padstavie hłybokaha analizu. Heta — vielmi zapavoleny i navat zabiurakratyzavany praces”, — paviedamiŭ hałava Nacbanku.
“My spadziajemsia, što bolš pavyšać staŭku nam nie spatrebicca”, — padsumavaŭ Prakapovič.