Kamercyjnyja banki atrymali pasłableńnie ŭ vyhladzie skasavańnia abmiežavańnia pa kredytnaj maržy na znoŭ vydavanyja kredyty pradpryjemstvam i nasielnictvu. A.Łukašenka ŭchvaliŭ skasavańnie dziejnaj rekamendacyi Nacyjanalnaha Banku Biełarusi, što staŭka pa kredytach nia musić pieravyšać dziejnuju staŭku refinansavańnia +3%. Pra heta žurnalistaŭ paviedamiŭ Staršynia Praŭleńnia Nacyjanalnaha Banku Biełarusi Piotar Prakapovič.
Adkazvajučy na pytańnie: «Chto ŭchvaliŭ skasavańnie abmiežavańnia?» hałava Nacbanku adkazaŭ: «Jak heta chto? — prezydent».
U Nacbanku patłumačyli, što skasavańnie abmiežavańnia dziejničaje tolki na pieršy kvartał biahučaha hodu. Ci zajmiejuć banki mažlivaść i ŭ budučyni, to bok, pa pieršym kvartale, samastojna ŭstaloŭvać staŭki, u Nacbanku prahnazavać nie ŭzialisia.
Razam z tym Piotar Prakapovič nahadaŭ, što dziejańnia jašče adnoj rekamendacyi Nacbanku pra toje, što staŭka pa znoŭ vydadzienym kredycie musić ułučać usie vydatki, źviazanyja z vydavańniem hetaha kredytu (kamisii, uznaharodžańnia i h.d.), Nacbank nie skasoŭvaŭ.
U Nacbanku razumiejuć, što hetaje rašeńnie pryviadzie da padaražańnia kredytaŭ, adnak tłumačać, što hetkaje rašeńnie stałasia vynikam sytuacyi na bankaŭskim rynku krainy.
Uchvała A.Łukašenki na skasavańnie dziejnaha abmiežavańnia vyjšła 30 studzienia 2007 h.
