Rasiejski prezydent nahadaŭ siońnia na svajoj vialikaj presavaj kanferencyi: pytańnie pra adzinuju valutu (čytaj: inkarparacyju) nie zakrytaje.
Pucin spadziajecca, što "biełaruskija partnery ŭ stanie zrazumieć nadziejnaść rasiejskaj ekanomiki i rasiejskaj nacyjanalnaj valuty".
Jon budzionna pieraličyŭ u liku varyjantaŭ pabudovy "sajuznaj dziaržavy": my prapanoŭvali, maŭlaŭ, intehravać krainu ŭ skład RF.
Voś jano, nieprychavanaje kramloŭskaje razumieńnie intehracyi!
Pra imavierny anšlus tam razvažajuć tak technična, nibyta ŭsio vyznačajecca tolki stupieńniu nadziejnaści valuty.
Cikava, sapraŭdy nie razumiejuć, što ŭ biełarusaŭ (va ŭsiakim razie mnohich) mohuć być inšyja kaštoŭnaści? Ci dla tych dziejačaŭ pytańnie pra niezaležnaść, pra los cełaj nacyi — tolki pustaja patetyka? Suprać "Hazpromu" niama pryjomu!
Ź lohkaj ruki prafesara Leanida Zaiki pajšła hulać teza, što Pucin karaje Łukašenku za treci termin. Ale ž siońnia kramloŭski kiraŭnik pryznaŭsia: pytańnie pra rynkavyja dačynieńni ź Mienskam nie farsavali, bo "nie žadali škodzić dziejnamu prezydentu Biełarusi letaś u źviazku z palityčnymi padziejami, u tym liku i z vybarami".
Dyk ci nia bolej imaviernaje mierkavańnie Milinkieviča: "Rasieja padtrymlivała Biełaruś, bo taja abiacała dałučycca da Rasiei. Ale Łukašenka nie kazaŭ usioj praŭdy. Jon nie chacieŭ sajuznaje dziaržavy na rasiejskich umovach. Ciapier jamu davodzicca za heta raspłačvacca".
Nu, dakładniej, raspłačvajemsia ŭsie my.
Ale! Kali abyścisia biez razvahaŭ pra maralny bok spravy, to fakt toje, što prajekt pahłynańnia zabuksavaŭ.
A najchutčej što jamu kapiec.
Vyhladaje na toje, što i pra adzinuju valutu Pucin ćvierdziŭ pavodle inercyi, nia nadta vieračy.
Nu treba ž kinuć trochi kormu "ćviordamu" elektaratu.
A tak — sama kanstrukcyja frazy čaho vartaja: "U vychadzie na adzinuju valutu jašče nia ŭsio stračana".
Psycholah daviadzie, što zvyčajna ŭ takija kanstrukcyi padśviadoma ŭkładajecca advarotny sens — biez čaścinki "nie".
Takoje, viedajecie, viałaje zaprašeńnie da paŭzučaha anšlusu ŭ styli "kulhavaj kački"...
P.S. Darečy, nakont ćviordaje valuty! Zazirnuŭšy ŭ "Velt", "niemiec u Kramli" lohka zrazumieje, što jahonamu biełaruskamu partneru bolej impanuje eŭra :)
Fota z archivu aŭtara.
