U časie presavaj kanferencyi ŭ čaćvier prezydent Rasiei Ŭładzimir Pucin adkazaŭ na šerah pytańniaŭ, datyčnych Biełarusi. Siarod ich było pytańnie: "Jak vyratavać sajuznuju dziaržavu?"
Pucin: "Navošta vyratoŭvać? Treba spakojna pracavać, biez emocyjaŭ nad rašeńniem tych pytańniaŭ i tych prablemaŭ, jakija mohuć być vyrašanyja ŭ časie dobrazyčlivaha j kanstruktyŭnaha dyjalohu. U nas uvieś čas mianiajecca razumieńnie taha, što my možam ličyć sajuznaj dziaržavaj... My nieadnarazova čuli ad biełaruskaha kiraŭnictva, što biełaruskamu boku impanavała by abjadnańnie pavodle savieckaha ŭzoru. Davajcie skažam ščyra, što takoje pavodle savieckaha ŭzoru? Saviecki Sajuz byŭ supercentralizavanaj krainaj. Tam na papiery byli niejkija pravy ŭ savieckich respublik, ale ŭ žyćci ničoha takoha nie było. Tamu kali my heta pačuli, my skazali: "Davajcie tady intehravacca ŭ Rasiejskuju Federacyju". Adrazu paśla hetaha my pačuli inšuju pazycyju, što treba baranić suverenitet. My i z hetym zhodnyja. My hatovyja iści hetym šlacham, kali subjekty sajuznaj dziaržavy buduć vałodać poŭnym ci niapoŭnym suverenitetam... Ja tady prapanavaŭ: "Davajcie šlacham Eŭraźviazu". "Hetaha niedastatkova. Treba, kab abjadnańnie było bolš hłybokim"... Nam treba znajści jakaja forma nas zadavoliła b".
Adkazvajučy na pytańnie pra hałoŭnyja źniešniepalityčnyja vyniki 2006 hodu, Uładzimier Pucin zajaviŭ: "Ź Biełaruśsiu byli viadomyja składanaści, ale my padpisali pahadnieńnie pra tranzyt i pra źmienu koštaŭ ŭ perspektyvie z vychadam na rynak. I heta samaje hałoŭnaje. Navat nie istotna, kolki płaciać siońnia, važna, što my zafiksavali ŭ dakumentach etapy pierachodu da rynku. Zrabili heta miakka, ciaham 4 hadoŭ. Absalutna ŭ siabroŭskim kantekście... Ź Biełaruśsiu my majem praciahvać budaŭnictva sajuznaj dziaržavy".
Pucin: "My vielmi radyja j vitajem tyja źmieny, jakoje biełaruskaje kiraŭnictva zrabiła ŭ spravie ŭparadkavańnia taryfaŭ na syruju naftu. Heta realny krok dla stvareńnia paŭnavartasnaha mytnaha sajuzu. My raźličvajem, što ŭ vychadzie na adzinuju valutu jašče nia ŭsio zhublena. Ja ŭpeŭnieny, što našyja biełaruskija partnery ŭ stanie praanalizavać rečaisnaść, u stanie zrazumieć nadziejnaść rasiejskaj ekanomiki j rasiejskaj valuty. Mahčyma, što vyjści na adzinuju valutu: nie na rasiejski j nie na biełaruski albo, jak my pieršapačatkova planavali, a my heta planavali, ad pačatku vyjści na rasiejski rubiel. Heta ŭsio mahčyma".
Pucin: "Z nahody abvastreńnia adnosinaŭ z našymi susiedziami, krainami-tranzyterami našych enerharesursaŭ ja budu vielmi ščyrym... Rasieja nia tolki dała niezaležnaść hetym krainam, ale jana ciaham 15 hadoŭ u vializarnych maštabach fundavała ekanomiki hetych krainaŭ. Što rabiła? Sadziejničała ŭmacavańniu niezaležnaści j suverenitetu hetych krainaŭ 15 hadoŭ dastatkova. Heta nia moža praciahvacca biaskonca... Paŭtaraju, što my robim heta u miakkim režymie, spakojna ŭ sajuźnickim styli. Ale my nia možam rabić usio adrazu: i va Ŭkrainie, i ŭ Biełarusi my nie mahli adkryć bajavyja dziejańni pa usich frantach. A pa-druhoje, skažu ščyra, my nie žadali škodzić dziejnamu prezydentu Biełarusi letaś u źviazku z palityčnymi padziejami, u tym liku i z vybarami. My nie chacieli stvarać jamu prablemaŭ...
Pra toje, što my budzie pierachodzić ź Biełaruśsiu na rynkavyja stasunki, my prainfarmavali svaich kalehaŭ jašče 3 hady tamu, a na pačatku minułaha hodu, u sakaviku pieradali našyja prapanovy ŭ piśmovaj formie. Darečy, u toj momant nijakich piarečańniaŭ nie było. Praŭda, da minułaha listapada my nie mahli naładzić dyjaloh. Heta my ŭžo prachodzili, heta z usimi takoje byvaje, bo nikomu nie chočacca źmianiać sytuacyju, jakaja skłałasia. Paŭtaraju, što my budziem heta rabić i rabić vielmi aściarožna. Ja raźličvaju, što nehatyŭ, jaki my atrymlivajem, jon užo ŭ minułym. Z asnoŭnymi tranzyterami my ŭžo damovilisia j dakumenty padpisali. Spadziajusia, što damoŭlenaści buduć vykonvacca".
