16:15
«Moža być, jon sapraŭdy enerhietyčny vampir? Ja vychodžu jak vycisnuty limon», — šapnuŭ pobač sa mnoj adzin z žurnalistaŭ z Mahiloŭskaj vobłaści na vychadzie.
16:08
Apošniaje pytańnie ad salihorskaj haziety, jaŭna scenarnaje: «Jaki padarunak paprasiŭ Kola Łukašenka na Novy hod i jaki padarunak chacieŭ by atrymać Alaksandr Łukašenka?»Pnieŭmatyčnaja, jakaja šarykami stralaje. Kolki ŭ jaho tam užo aŭtamataŭ? Jon užo ich pałovu ŭ sad adnios, u jaki chadziŭ. Ale jon u siłu situacyi, jakaja skłałasia, raście vielmi darosłym chłapčaniom... A hałoŭnaje — kab u domie było dobraje nadvorje», — hetym skazam zakončyŭ pres-kanfierencyju jon.«Samy kaštoŭny padarunak dla jaho ciapier — heta zbroja.
16:05
Nastupnaje pytańnie: ci buduć u Biełarusi vypuskać lehkavym aŭtamabili, naprykład, «Jo-mabili».
Siamaška dadaje, što siońnia padpisali pahadnieńnie, što ŭ Barysavie kitajcy i BiełAZ pačnuć zborku lehkavikoŭ.
15:53
«Sovietskaja Biełoruśsija» zadaje pytańnie pra adnosiny ź Jeŭrasajuzam: ci zachoŭvaje aktualnaść jeŭrapiejskaje kryło? I ci pieraškadžaje adsutnaść važnych mužčynskich orhanaŭ u kiraŭnikoŭ Jeŭrasajuza dyjałohu Biełarusi ź ES?
Łukašenka kaža, što hetuju frazu jon pačuŭ ad jeŭrapiejskich vizicioraŭ.
Dalej Łukašenka doŭha razvažaje pra sankcyi ES i vizavyja sankcyi, nazyvaje ich niespraviadlivymi, u tym liku i sankcyi suprać biznesoŭcaŭ. «Našto vy zrabili nievyjaznymi maich pacanoŭ?»
Iznoŭ uzhadvaje Piefcijeva. Klaniecca, što Łukašenka ŭ Piefcijeva «nikoli ni kapiejki nie ŭziaŭ», što bačyŭ jaho tolki try razy ŭ žyćci.
Łukašenka abvinavačvaje Jeŭrasajuz u žadańni «złamać kanstytucyjny ład krainy».
Kaža, što nie viedaje, što jašče zrabić.
«Pasoł Polščy skazaŭ, što treba vypuścić źniavolenych», — śmieła nahadvaje žurnalist Valaniuk. — «Jany ž nie chočuć vychodzić, chočuć być hierojami», — paŭtaraje Łukašenka svaju frazu, jakuju ŭžo niekali kazaŭ.
Cikava, što Valaniuk padniaŭsia zadavać pytańnie na pačatku pres-kanfierencyi. Ale Pralaskoŭski pieradaŭ jamu zapisku, i Valaniuk sieŭ. A padniaŭsia tolki pad kaniec.
15:51
Uładzimir Pac z Polskaha radyjo zadaje pytańnie pra Katynski śpis.
Łukašenka adkazvaje, što zajmaŭsia hetym pytańniem. Skazaŭ, što vyjaŭlena, što na biełaruskaj ziamli nie rasstrelali nivodnaha palaka z Katynskaha śpisa.
15:45
Hazieta «Aŭtazavodziec» pačynaje z krytyki Koktyš. Marynie, vidać, vielmi nie spadabajecca, što ŭ nas na zavodzie siaredni zarobak pa vynikach hoda składzie 4 miljony. «Vam treba bunt biessensoŭny i biaźlitasny», — hrymić jon. I pačynaje raskazvać pra pabudovu damoŭ-małasiamiejek. I prosić Łukašenku vydzielić dva ŭčastki pad pabudovu damoŭ-małasiamiejek.
«Biez prablem», — kaža Łukašenka.
Łukašenka mocna chvalić hiendyrektara MAZa Baroŭskaha, jakoha Łukašenka pryvioŭ na pasadu z turmy. Kaža, mnie navat niajomka pierad hetym čałaviekam, što tak skłaŭsia jahony los.
Žurnalist jašče kaža, što rabočyja MAZa prasili pavinšavać Łukašenku z Novym hodam.
15:38
Maryna Koktyš, «Narodnaja vola»: «Ci mahli b Vy pastupić, jak sapraŭdny mužčyna? Voś prosta tut? Ci mahli b Vy adpuścić Sańnikava, Statkieviča? Vy miłavali tych, chto kraŭ miljony, a čamu nie možacie pamiłavać svaich palityčnych praciŭnikaŭ? Niaŭžo vam, mužčynu, tak treba, kab jany pierad vami ŭstali na kaleni? I druhoje. Vy kazali, što pakiniecie ŭładu, jak tolki adčujecie, što narod suprać. A jak vy toje adčujecie? U krainie niama svabodnaha telebačańnia. Zabaronieny niezaležnyja sacyjałahičnyja apytańni. Pryniaty zakon, što bolš za troch nie źbiracca. Dyk jak vy adčujecie, što narod vas bolš nie choča?»
«Dziakuj, Maryna, za pytańnie», — adkazaŭ Łukašenka i pasprabavaŭ vulharna pažartavać, ale Koktyš jaho absiakła.
Dalej Łukašenka pačaŭ doŭhi adkaz. Jon staŭ raskazvać pra pačatak 1990-ch, skazaŭ, što nie dapuścić takoha chaosu.
A nakont sychodu: «Ja sydu tady, kali prajhraju na vybarach». «Jak tolki vy mnie na vybarach skažycie «nie», ja sydu. Voś bolšaść prahałasuje, i zaŭtra Łukašenki nie budzie».
Taksama jon pahroźliva nahadaŭ Marynie Koktyš i ŭ jaje asobie ŭsioj «Narodnaj voli»: «Zapomnicie, kali vy budziecie parušać zakon, vy budziecie nieści piersanalnuju adkaznaść».
Heta było samaje śmiełaje i jarkaje pytańnie siońniašniaha dnia. A adkaz na jaho byŭ tradycyjny. Voś videazapis hetaha pytańnia i adkazu:
15:31
Pytańnie ad «Biełhaziety». Na Rasijskim TV stała bolej pluralizmu. A na Biełaruskim? Ci Vam nie nudna hladzieć BT?
Adkidaje takuju pastanoŭku pytańnie. Biełaruskaje TB jamu padabajecca.
15:25
Vital Zybluk, Jeŭraradyjo: «Ci jość u vas pačućcie humaru? Jaki Vy apošni aniekdot čuli pra siabie? Čamu vyrazajucca humarystyčnyja prahramy z rasijskich kanałaŭ?»
«Chaj rasijskija kanały pažartujuć z Pucina spačatku, a paśla — pra mianie», — paryruje Łukašenka.
Kisiel z ANT tłumačyć, što vyrazali nie humar, a abrazy.
Łukašenka prapanuje Kisialu raskazać aniekdot. Toj raskazvaje aniekdot, jak Abama, Miadźviedzieŭ i Łukašenka akazalisia ŭ adnoj łodcy. Jak tam hałasavali, kamu kamandavać. i za Łukašenku hałasavali čaćviora.
Heta byŭ samy viasioły epizod pres-kanfierencyi.
15:23
Pytańnie ad žurnalistki ź Lidy pra los aŭtobusnaha zavoda «Nioman».
15:19
Napieradzie ŭ čerhach stajali pieravažna žurnalisty dziaržaŭnych ŚMI. Jašče nie padyšła čarha karespandentki «Narodnaj voli». Maryna Koktyš staić kala adnaho ź mikrafonaŭ.
15:17
Pytańnie ad «Narodnaha słova», Viciebsk, pra alternatyŭnyja krynicy enerhii.
Adkazvajuć Łukašenka i Siamaška. Padkreślivajecca, što alternatyŭnyja krynicy enerhii majuć mienšaje značeńnie, čym pieravod elektraenerhietyki na bolš efiektyŭnyja sposaby vytvorčaści. Dajuć prykład skaračeńnia spažyvańnia hazu dla vypracoŭki kiłavat-hadziny na novaj Minskaj TEC.
15:12
Žurnalist z Navahrudka pytajecca pra demahrafičnaje pytańnie i piensijny ŭzrost.
Łukašenka adkazvaje, što piensijny ŭzrost u nas nižejšy, čym u inšych krainach. Adnak jon nie raskazaŭ nijakich kankretnych płanaŭ reformy piensijnaj sistemy. Adznačyŭ, što deficytu Piensijnaha fondu pakul niama. I kaža: pakul pra piensijny viek nie havoryć.
15:07
Žurnalistka haziety «Połacki vieśnik» raskazvaje pra bahaćcie spadčyny Połacka. A pytańnie: ci Vy ličycie metazhodnym stvareńnie turystyčnaha centra i pabudovu biełaruskaha varyjanta VDNH mienavita tam, kab tam pakazvać dasiahnieńni biełaruskaj narodnaj haspadarki. «My zrabili Połack vysokakulturnym centram», — kaža jon. Kaža, što nabudavali dosyć cerkvaŭ i saboraŭ užo, hałoŭnaje, kab ludzi chadzili tudy.
Asudžaje, kali zajmajucca navabudami zamkaŭ. Lepiej moža kab ludzi prychodzili na ruiny. «Užo dosyć zamkaŭ adnavili», — kaža jon. «Ja prychilnik taho, kab akumulavać hrošy na vytvorčaści».
15:05
Pytańnie ad TRK «Homiel» pra źmieny klimatu i adaptacyju sielskahaspadarčaj pradukcyi da jaje.
15:00
Pytańnie ad kitajskaha ahienctva Sińchua. Prosić acanić stan i pierśpiektyvy adnosin z Kitajem.
Łukašenka kaža, što jon hanarycca svaimi adnosinami z «hetaj impieryjaj». Jon vykazvaje ŭpeŭnienaść, što praz 15—20 hadoŭ Kitaj stanie samaj mahutnaj krainaj śvietu.
Daje słova Siamašku, kab toj raskazaŭ pra kitajskija inviestycyi ŭ Biełarusi.
Łukašenka dadaje, što «technapark z kitajcami — heta pačvarny prajekt, na dziasiatki miljardaŭ dalaraŭ. Kitaj nidzie ŭ śviecie na taki prajekt nie pajšoŭ, tolki ŭ Biełarusi. My zabudziem ab prablemach z valutaj, kali realizujem hety prajekt». Jon padkreśliŭ, što hety prajekt nie skiravany nie suprać kahości, choć i mnohich raschvalavaŭ.
«Prykładna toje, što vy robicie ŭ Kitai, my robim u Biełarusi», — padsumoŭvaje jon.
14:58
Nastupnaje pytańnie pra prahramu raźvićcia Paleśsia.
14:55
Žurnalistka «Znamieni junosti» pytajecca, ci čytaŭ Łukašenka haziety, kali byŭ maładym?
14:50
Žurnalistka z Kruhlanskaha rajona zadaje kamplimientarnaje pytańnie: čym tłumačycca takaja Vaša cikavaść da miascovych ŚMI?
Łukašenka kaža, što kožny raz prosić, kab zaprašali žurnalistaŭ rehijanalnych ŚMI.
14:42
«Kamsamolskaja pravda» zadaje pytańnie z padkavyrkaj: «Vy kazali, što treba žyć pa srodkach. A što vy źmianili ŭ svaich zvyčkach z pryčyny kryzisu?»
Łukašenka ŭspryniaŭ žart. Raskazvaje, što jon ciapier harnitury šyje ŭ Minsku. Kaža, što ŭ kryzis nie kuplaŭ klušak, u jaho byŭ narmalny zapas.
Jon kaža, što siabie abmiažoŭvaje ŭ charčavańni i nie kuplaje ničoha zamiežnaha.
A tak «jak žyŭ u rezidencyi ŭ lesie. tak i žyvu. Jak vazili mianie na pracu ŭ členavozie, tak i voziać».
Kaža, što pry patrebie paprosić svaich siabroŭ-rasijanaŭ i ŭ Katary i jamu «hetuju paru kaściumaŭ kupiać».
Kaža, što jon nie ŭ nahruzku biełarusam.
14:35
Pytańnie ad «Narodnaj haziety» pra zamiežnuju palityku i vajskovyja sajuzy. Adkaz idzie doŭhi, u rečyščy staroj palityki.
Siarod inšaha prahučała, što Biełaruś bolš nie maje namieru finansavać struktury JeŭrAzES. «Biełaruś bolš nie budzie finansavać jeŭrazesaŭskija struktury. Hetyja 160 čynoŭnikaŭ nam navat dakumienty nie napracoŭvajuć Jany nie abmiarkoŭvajuć aktualnyja dla nas pytańni. Pa statucie my ŭsie hetyja pytańni ŭžo vyrašyli», — zajaviŭ Łukašenka.
14:28
«Naša Niva», Źmicier Pankaviec, prosić iznoŭ viarnucca da pytańnia pra palitviaźniaŭ, nahadvaje, što Sańnikava etapujuć z turmy ŭ turmu, što Aŭtuchovič rezaŭ sabie vieny.Raskazvaje, što Dom urada hramili. Prosić nie puskać streły ŭ jaho ŭ pytańni palitviaźniaŭ. I tut ža kaža, što jon apošniaja nadzieja palitviaźniaŭ. I patrabuje «nie dušyć na jaho ŭ pytańni palitviaźniaŭ».Łukašenka adkazvaje doŭha.
«Navošta vy mianie daŭbajecie? Ja ž mahu tym ža adkazać i nie razmaŭlać bolš z vami na hetuju temu, — razdražniona zajaviŭ Łukašenka. — Ja chacieŭ by takoje pytańnie padniać. Ja nie namiakaju na toje, što ja kryvažerny i zrablu drenna, raz vy tak stavicie pytańnie. Ale kali vy čahości ad čałavieka chočacie, to vy na jaho nie dušycie, nie ckujcie».
«Paprosiać jany mianie pamiłavać — ja razhledžu. Heta nie značyć, što pamiłuju. Ja ich prośbu razhledžu, kali b jany da mianie źviarnulisia. Słuchaj, prezident, ty ž vialikadušny, ciabie ludzi prosiać, škodu kampiensavali, bolš nie budziem tak rabić, davajcie prymiem rašeńnie. Tolki tak, a nie inakš», — skazaŭ jon.
Daje ŭkazańnie Malcavu: «Znajdzicie narmalnuju kałoniju, i niachaj Sańnikaŭ tam žyvie spakojna». Toj ustaŭ i zarahataŭ. Heta nahadała śmiech čynoŭnikaŭ pry Łukašenkavym raskazvańni pra źbićcio Niaklajeva, u časie paślavybarčaj pres-kanfierencyi.
14:27
Pytańnie ad polskaha ahienctva PAP pra adnosiny Biełarusi ź ES u kancy staršynstva Polščy. Łukašenka nazyvaje ich «kiepskimi», adkazvaje vielmi koratka, «i Polšča prykłała da hetaha svaju mocnuju ruku».
14:17
«Biełarusy i rynak» pytajecca, jak možna acanić dziejnaść biełaruskich čynoŭnikaŭ, kali ŭ krainie rekordnaja ŭ śviecie devalvacyja i inflacyja?
Łukašenka kaža, što «heta nie ja, a vy patrabavali ad mianie takoj madeli, heta narod vybraŭ sacyjalna aryjentavanuju ekanomiku». I kaža, što takaja madel zastaniecca, bo inačaj budzie «bojnia, jak na Zachadzie, u Hrecyi, u ZŠA». «Łamać krainu, ekanomiku i hramadstva ja nie maju namieru». «Nijakich źmienaŭ i adstupleńniaŭ ad sacyjalna aryjentavanaj ekanomiki ŭ nas nie budzie, jak by heta kamu ni chaciełasia».«Ja nie chaču paŭtarać pamyłki susiedziaŭ». «Budučy hod budzie narmalnym navat va ŭmovach kryzisnych źjavaŭ u suśvietnaj ekanomicy».
14:13
Pytańnie ad ahienctva Błumbierh: ci budzie Biełaruś raźmiaščać jeŭraabliahacyi?
U Jeŭropie niama hrošaj, hrošy ciapier u kitajcaŭ, — kaža Łukašenka. —
My nie płanujem bolš nijakich zapazyčvańniaŭ na rynku, ale hatovyja vieści pieramovy ź Mižnarodnym valutnym fondam, bo ŭ tych vyhadnyja ŭmovy. «Navat kali 5 miljardaŭ nam daduć, my pahodzimsia. Ale samy realny varyjant — heta 2,5—3 miljardy».
14:08
«Ekanamičnaja hazieta», Aleś Hierasimienka zadaje pytańnie pa-biełarusku: kali kraina budzie dyviersifikavać pastaŭki pryrodnaha hazu? Ceny na zvadkavany haz na suśvietnym rynku ŭžo našmat nižejšyja, čym tyja, pa jakich my kuplajem haz u Rasii, nahadvaje jon.
Uvohule, na hetaj pres-kanfierencyi našmat bolš biełaruskaj movy, čym na raniejšych, kali puskali žurnalistaŭ nie ad usich ŚMI.
«Usio, što vy skazali, heta nie sakret, my heta prapracoŭvajem», — Łukašenka napačatku ŭžyvaje kłasičny demahahičny pryjom.
A dalej raskazvaje, što zvadkavany haz usio jašče abychodziŭsia b Biełarusi našmat daražej, čym toje, što Biełaruś płacić Rasii.
Łukašenka pieradaje słova vice-premjeru Siamašku, i toj raskazvaje, što hetaje pytańnie ŭzvažvali i znajšli, što budavać taki zavod niavyhadna. Kaža, što takija terminały budujuć pieravažna marskija krainy.
Łukašenka padvodzić rysu: Biełaruś admoviłasia ad idei pabudovy terminała zvadkavanaha hazu za miežami krainy.
13:52
Pytańnie ad Valancina Ždanko, radyjo «Svaboda». Jon pytajecca, ci nie naśpieli palityčnyja reformy ŭ Biełarusi? Jon pryvodzić prykład zadumanych palityčnych reformaŭ u Rasii.
Łukašenka adkazvaje: kaho narod vybiare, toj i budzie. Ale kaža, što budzie vykazvać svajo mierkavańnie i ŭpłyvać na narod. «I ja pabaču, kolki tam budzie ad apazicyi i ad piataj kałony».
«Vaš padtekst nieprymalny», — adrazaje jon. Źniavažliva adhukajecca pra ideju kamieraŭ videanazirańnia na kožnym učastku.
Paśla hetaha jon doŭha chvalić siabie, što jon nie cierpić liślivaści. Raskazvaje, što zaŭždy lubić vysłuchoŭvać roznyja punkty hledžańnia. Raskazvaje, jakija debaty adbyvajucca ŭ biełaruskim parłamiencie, ale jon prosić nie vynosić ich na publiku.
«Dyktatura — tolki ŭ rukach prezidenta», — kaža jon. A na ŭzroŭni ŭrada ŭsio adbyvajecca demakratyčna, hałasavańniem, dakazvaje jon.I paprakaje žurnalistaŭ, što jany nie chočuć analizavać hetych tonkaściaŭ. «Vy mianie kleplecie navat tam, dzie ja taho nie zasłuhoŭvaje», — kryŭduje jon. Pryvodzić prykład samasuda ŭ Puchavičach Žytkavickaha rajona, kali jahonaje rašeńnie adpuścić ludziej krytykujuć.
«Vy što, sapraŭdy ličycie, što ja falsifikavaŭ hetyja vybary? — pytajecca jon, hledziačy ŭ vočy žurnalistu. — Ja starajusia ŭsio rabić ščyra i pa spraviadlivaści».
Na 10-j chvilinie adkazu jon prychodzić da pytańnia reformaŭ.
«Navat toje, što ja skazaŭ, što budu ŭmiešvacca, ja nie budu ŭmiešvacca», — piarečyć jon tamu, što kazaŭ 8 chvilin tamu.
Dakazvaje, što apazicyja nie projdzie ŭ parłamient, kali navat jaje pad abiedźvie ruki buduć vieści pad ruki. Raskazvaje, jak jon šukaŭ apazicyjanieraŭ u parłamient i nie moh znajści. Raskazvaje, što, maŭlaŭ, apazicyjaniery nie prychodzili na sustrečy z vybarcami i tamu za ich nie prahałasavali, navat kali ŭłada była hatovaja, kab ich abrali.
Pierachodzić na Bialackaha, beścić jaho.
«A reformy buduć», — kaža narešcie jon na 16-j chvilinie. Prahučała heta tak, što ŭsie zrazumieli, jak: reformaŭ nie budzie.
13:50
Nastupnaje pytańnie — ad radyjo «Minskaja chvala» — pra rynak lekaŭ.
13:48
Začytvaje zapisku pra Piefcijeva. Kaža, što Piefcijeŭ znachodzicca ŭ krainie, ale časta vyjazdžaje ŭ Abjadnanyja Arabskija Emiraty i nie maje padstavaŭ biehčy z krainy.
13:40
Nastupnaje pytańnie ad ANT. Łukašenka zaklikaje reparcioraŭ sieści, bo škaduje, što jany tak doŭha stajać na nahach. ANT pytajecca pra terakt u mietro, pra toje, što Łukašenku vinavacili ŭ arhanizacyi hetaha złačynstva.
— A vy za toje, kab admianić?
— Tak, jak čałaviek vierujučy, adkazvaje žurnalist.
Łukašenka kaža, što aktualnaść śmiarotnaha pakarańnia dla nas nie źnizilisia. Sprava tut nie ŭ viery, miarkuje jon, a ŭ staŭleńni da hetaj prablemy.
Jon kaža, što viersii pra datyčnaść uładaŭ da terakta jaho kryŭdziać.
Što da śmiarotnaha pakarańnia, jon spasyłajecca na vyniki referendumu. A taksama ŭkazvaje na najaŭnaść śmiarotnaha pakarańnia ŭ ZŠA. Jon upikaje Zachad tym, što jon nie patrabuje śmiarotnaha pakarańnia ad arabskich krain i Kitaja.
Što da terakta, to jon paličyŭ patrebnym patłumačycca, čamu jon pajšoŭ u mietro razam z Kolem tak chutka paśla vybuchu. Kaža, što pajšoŭ u mietro adrazu paśla terakta, bo «ŭ mianie vybaru nie było».
Iznoŭ zvodzić usio da taho, što čas admianić śmiarotnaje pakarańnie nie pryjšoŭ, bo heta moža vyleźci bokam.
13:31
Nastupnaje pytańnie ad časopisa «Alesia» pra dapamohu na dziaciej. Kaža, što pamier dapamohi zusim mały. Prapanuje pryviazać pamier dapamohi da pamieru zarobku mamy pierad dekretam.
Łukašenka chvalicca, što dziaržava mocna dapamahaje šmatdzietnym siemjam. Adkaz vielmi doŭhi, pra ŭsio patrochu, ale ŭ cełym možna skazać, što jon zaklikaje siemji varušycca samim.
13:27
Pytańnie ad «Obozrievatiela» pra toje, jakija kankurentnyja pieravahi maje biełaruskaja ekanomika ŭ ramkach Adzinaj ekanamičnaj prastory.
13:25
Hanna Kapšul z «Vieśnika Hłyboččyny» zadaje pytańnie pa-biełarusku. Najpierš zaprašaje Łukašenku na Dzień piśmienstva, kab padniać status śviata i palepšyć imidž biełaruskaj movy i litaratury. Pytajecca, ci budzie pašyreńnie śfiery ŭžytku biełaruskaj movy?
Łukašenka: A što treba zrabić?
Kaŭšul kaža: voś i pytańniaŭ pa-biełarusku tut nie zadajuć. Treba, kab bolš mova hučała.
Ja nie stanu Vas asudžać za Vašu pazicyju, kaža Łukašenka,i adkazvaje pa-rasiejsku, adčuvajecca, što nie moža svabodna havaryć pa-biełarusku. Ja nie chacieŭ by viartacca da hetaj temy, kaža jon. Ja nikoha nie paprakaju. Heta prava kožnaha čałavieka – vybirać. I kali vy stavicie pytańnie, što rasiejskaja mova – nie rodnaja, to heta niapravilna. I raskazvaje, što rasiejskaja mova – heta i naša mova. My ŭ jaje dušu ŭkłali, raskazvaje Łukašenka, paŭtaraje toje samaje.
Tak, u nas jesť biełorusskij jazyk, — pryznaje Łukašenka. — Ale chto budzie spračacca z tym, što biez rasiejskaj movy my nie možam raźvivać navuku?
Prosić ministra kultury raskazać, kolki my zrabili dla adradžeńnia movy. Kaža, što padnimać moŭnyja pytańni treba spakojna, kab nie razvarušyć hramadstva.
Ja vas nie paprakaju, vy nie apazicyjanier, kaža jon žančynie.
Słova biare Łatuška: «U adpaviednaści z Vašym daručeńniem byŭ padpisany płan pa pašyreńni ŭžytku biełaruskaj movy». I raskazvaje pra burnuju dziejnaść u adpaviednaści z hetym płanam. Ale prablema ŭ tym, što mała tvoraŭ źjaŭlajecca, žalicca jon.
Hety było samaje vysakarodnaje pytańnie dnia. Na žal, na jaho nie prahučała surjoznaha adkazu. Źmienaŭ u kursie niama.
13:17
U Fejsbuku raźlacieŭsia žart: «Ci paśpieje Piefcijeŭ da kanca pres-kanfierencyi dabiehčy da miažy?»
13:14
Pieršaje pytańnie ad žurnalista zamiežnaha ŚMI — ad reparciora Ukrainskaha radyjo, pra dvuchbakovyja adnosiny. «Kali našy adnosiny takija dobryja, to kali budzie padpisana damova pa miažy?»
Łukašenka kaža pra nieabchodnaść pakietnaha pahadnieńnia z Ukrainaj.
13:07
Pieršaje pytańnie
Łukašenka mocna hanić baćkoŭ, jakija kidajuć svaich dziaciej. «Jany horšyja za źviaroŭ, bo navat źvier nie kidaje svaich dziaciej». Raskazvaje, što padarunki, jakija atrymlivaje siamja Łukašenki, jon štohod pieradaje dzieciam i ŭ damy starych.
13:01
Pytańnie ad rajonki «Naviny Paleśsia»: jak buduć vyrašacca ŭ krainie prablemy biaspłodnaści.
Łukašenka adznačaje, što EKA — darahaja pracedura i daje pośpiech tolki ŭ pałovie vypadkaŭ. Jon davoli dobra ŭ kursie hetaj śpiecyfičnaj miedyčnaj prablemy. Kaža, što prablemu treba vyvučyć hłybiej.
13:01
Maryna Zołatava z partała Tut.by pytajecca pra los biznesoŭca Šaŭcova i pra toje, dzie znachodzicca biznesoviec Piefcijeŭ. Łukašenka skazaŭ, što nie viedaje, dzie Piefcijeŭ i paprasiŭ pamočnikaŭ da kanca«Heta zvyčajnaja ekanamičnaja sprava, u nas takich šmat».pres-kanfierencyi dać jamu takuju infarmacyju.Što da Šaŭcova, to jon siadziŭ u izalatary za šmatlikija złačynstvy, vyvad hrošaj z krainy, u tym liku i ŭ Vieniesuele. «Chaj zapłacić u dvuchkrotnym, trochkrotnym pamiery, kampiensuje škodu dziaržavie, i vyjdzie na svabodu».
«Z kadravaha rejestra prezidenta 10-15 čałaviek znachodziacca pad śledstvam», — adznačaje jon.
12:58
Davoli liślivaje pytańnie ad telekampanii «Mir»: ci była Płošča ŭ Biełarusi i padziei ŭ arabskich krainach, a paśla pratesty ŭ Rasii źvionami adnaho łancuha?
«Štości ŭ Vašym pytańni jość», — kaža Łukašenka. Ale paraŭnoŭvać nie staŭ.
Kaža, što ŭ Biełarusi na Płoščy było ŭsiaho try tysiačy čałaviek. A voś u Maskvie — zusim inšyja ludzi byli na Płoščy, kaža.
12:53
Pytańnie ad haziety «Respublika» — pra rost upłyvu Rasii na ekanomiku Biełarusi. Zahdvaje pra pahrozu inkarparacyi našaj krainy, spačatku ekanamičnaj, a paśla i palityčnaj.
«Poŭnaja biazhłudzica», — adkazvaje Łukašenka
Kaža, što prodaž Rasiei «Biełtranshaza» vyhadny Biełarusi. Kaža, što pamyłkovaje mierkavańnie, što tut Biełaruś straciła ryčah uździejańnia. Jon kaža, što Biełaruś nie mieła mahčymaści ŭpłyvać na Rasiju praz «Biełtranshaz». Raskazvaje, jak šmat Biełaruś atrymała dziakujučy prodažu «Biełtranshaza». Maŭlaŭ, Biełaruś vyjhraje na hetaj damovie 2 miljardy dalaraŭ. Biełaruś musiła b płacić za haz 380 dalaraŭ, a tak budzie płacić 165 [ale ž tady vychodzić, što Biełaruś vyjhraje 4 miljardy, a nie 2. — Red.]. «Heta vielmi vyhadnaja ździełka dla našaj dziaržavy». Pryznaŭsia, što
Rasija abumoviła vydaču kredytu na AES i źnižeńnie cenaŭ na haz z prodažam «Biełtranshaza».
12:44
«Astravieckaja praŭda» — jašče adna biełaruskamoŭnaja rajonka zadaje pytańnie
«Nu maładziec, — zaśmiajaŭsia Łukašenka. — Usie pytańni Astraŭca padniała». Kaža, što ŭ Astraviec pryjeduć kala 5000 vysokaadukavanych śpiecyjalistaŭ.
12:39
Vośmaje pytańnie — ad BiełTA pra ceny i zarpłaty.
Hrošy treba zarablać, adkazvaje Łukašenka. Kali budzie pavieličeńnie pradukcyjnaści pracy, budzie pavyšeńnie zarobkaŭ, kaža jon. Što da rostu cenaŭ, to jon abiacaje ich strymlivać. «Usie kazyrki i nažnicy pa cenach za hety hod my źniali». Kaža, što «ceny niedzie na adzin pracent užo źnizilisia».
Jašče adno pytańnie pra ceny: što važniej, baraćba ź inflacyjaj ci rost zarpłat. Pytańnie zadaŭ žurnalist haziety «Biełaruski čas».
12:38
Siomaje pytańnie — pieršaje ad niezaležnych žurnalistaŭ, ad infarmahienctva BiełaPAN zadaje Iryna Leŭšyna. Čamu Vy nie padpisvajecie ŭkazy pra pamiłavańnie apanientaŭ Sańnikava, Statkieviča, Bandarenku? Vy ž padpisali ŭkazy pra pamiłavańnie
«Ja pamiłuju tolki tych, chto da mianie źviernucca. Nie źviernucca — buduć siadzieć u turmie», — razdražniona adkazvaje jon.
12:33
Šostaje pytańnie — ad rajonki «Kraj Smalavicki» pra budaŭnictva
Łukašenka paćviardžaje
Kaža, što ŭ nas nie pavinna paŭtarycca situacyja, «jak u Rasii i inšych krainach, kali 30% nasielnictva žyvie ŭ stalicy» [Red. U Rasii ŭ Maskvie žyvie 11,2 młn čałaviek z ahulnych 143 młn, pavodle źviestak apošniaha pierapisu].
12:28
Piataje pytańnie — ad TRK «Mahiloŭ». Jak budzie vyrašacca prablema adtoku kadraŭ u Rasiju?
Łukašenka nie schilny «hipierbalizavać hetu prablemu». Jon taksama adznačyŭ, što praca za miažoj nie takaja i vyhadnaja.
«Adna sprava — pracavać tut [u Biełarusi] za tysiaču dalaraŭ, a druhaja — u Maskvie za 2000 dalaraŭ». A žyćcio ŭ Maskvie darahoje, adznačaje jon.Zhadvaje pra hibiel šaści biełaruskich budaŭnikoŭ u Padmaskoŭi. «U nas kiraŭniki budaŭničych arhanizacyj abarzieli da takoj stupieni, što pierastali šukać dla svaich kalektyvaŭ pracu. Havorać, my žylla stali mienš budavać. Dobra, my budziem budavać bolej». Raić budtrestam bolš šukać padradaŭ na budoŭlach roznych abjektaŭ. Kaža, što staŭleńnie da kiraŭnikoŭ budarhanizacyj stanie bolš patrabavalnym, kab jany sami «šukali padradnyja pracy».
12:23
Čaćviortaje pytańnie ad telekanała
U nastupnym hodzie nijak nie adabjecca na biełaruskich vytvorcach, kaža Łukašenka. Bo Rasija vybiła sabie vielmi vyhadnuju «darožnuju kartu» i myty ŭ nastupnym hodzie pavyšacca nie buduć.
Kaža, što Biełarusi taksama vyhadna ŭstupić u SHA, bo «heta daść vyhady pry handli ź Jeŭrasajuzam».
12:20
Treciaje pytańnie ad Biełaruskaha radyjo. Što było samym ciažkim vyprabavańniem?
Łukašenka pieravodzić adkaz na pazityŭnyja tendencyi ŭ zamiežnym handli. Raskazvaje pra rost tavarazvarotu i źmianšeńnie deficytu zamiežnaha handlu.
Zajaŭlaje pra pazityŭnyja tendencyi ŭ handli z Rasijaj, vychad na dadatnaje salda.
[Zhodna sa statystykaj Dziaržaŭnaha mytnaha kamiteta impart rasijskich tavaraŭ pieravyšaje ekspart na hihanckija 8,3 miljarda. — Red.].
12:15
Druhoje pytańnie ad ahienctva «Interfaks». Prosić nazvać 5 samych važnych padziej.
Łukašenka nazyvaje najpierš «niaščasnaje zdareńnie, toj terarystyčny akt» u minskim mietro. U zamiežnaj palitycy nazyvaje praryvam padziei ŭ JeŭrAzES. Kaža, što pryjšli ŭ Adzinuju ekanamičnuju prastoru. Zhadvaje pra ŭstupleńnie Rasii ŭ Suśvietnuju handlovuju arhanizacyju.
Paśla zhadvaje «tak zvanuju Arabskuju viasnu, jakaja źmianiła kanfihuracyju ŭ śviecie». «Praces heta zastaparyŭsia na Siryi, kaža jon, i daj boh kab Siryja ŭstajała». Kaža, što Turcyja, mahčyma, choča stvaryć novuju impieryju, a ideołahami hetaha pracesu vystupajuć ZŠA. «Navat naša piataja kałona pahodzicca z hetymi acenkami», — zajaŭlaje jon. Śvietam budzie kiravać toj, chto budzie kantralavać enerhanośbity, kaža jon, i baraćba idzie za ich.
Kaža, što śviet staić na parozie novaj Vialikaj Depresii. Ale ličyć, što naŭrad ci toje adbudziecca, paŭtareńnia być nie pavinna. Kaža, što Zachad pachitnuła chvala ekanamičnaha kryzisu.
Adznačaje fakt «rezkaha antyŭradavaha ruchu na Zachadzie typu «Zachapi
Narešcie, uzhadvaje pravał pieramovaŭ miž ZŠA i Rasijaj pa PRA. kaža, što heta paŭpłyvaje i na Biełaruś.
12:12
Pieršaje pytańnie zadaje telekanał STV. Jon ahulny: pra vyniki hoda i płany.
Łukašenka kaža, što jon nie choča, kab taki hod paŭtaryŭsia «z punktu hledžańnia ekanomiki i finansaŭ». Adznačyŭ, što pastaŭki enerhanośbitaŭ u Biełaruś manapalizavany Rasijaj i źviazaŭ prablemy ŭ ekanomicy z rostam cen na enerhanośbity. Pryznaŭ, što ŭ prablem byli i subjektyŭnyja, i abjektyŭnyja pryčyny. Ale nastojliva padkreślivaje, što pryčynaj byli darahija ceny na syravinu. Kaža, što «hałavu popiełam pasypać nie treba», bo «budziem mieć siem pracentaŭ rostu VUP». Kaža, što nastupny hod budzie vielmi dobrym u ekanomicy, lepšym, čym najlepšyja minułyja hady.
Pa palitycy taksama adznačaje prablemy, zhadvaje pra krytyku vynikaŭ vybaraŭ z boku Zachadu. «Hod byŭ niaprosty, a narakać treba na siabie, ale heta ŭžo historyja. Hod zastaniecca jak hod vialikich urokaŭ. Hospad udaryŭ nas pa hałavie i skazaŭ: nie žalciesia. Žyć treba pa srodkach».
12:04
Łukašenka padkreślivaje, što jon zaŭždy byŭ adkryty dla žurnalistaŭ. Ustup byŭ karotki.
12:03
Žurnalisty łukašenkaŭskich ŚMI ŭsie družna ŭstali pry źjaŭleńni Łukašenki.
12:02
Vychad Alaksandra Łukašenki abvieścili
11:51
Pakul ničoha nie adbyvajecca. Tolki na ekranie dziaržaŭny hierb možna pahladzieć. Užo treci raz prosiać vyklučyć mabilniki. Vidać, dla tych, kamu ź pieršych dvuch nie dajšło.
11:43
U zału na volnyja miescy zajšli čałaviek tryccać dziaŭčat. Vidać, dla pryhažości. U zale čatyry mikrafony, pytańni buduć zadavać u mikrafony pa čarzie.
11:41
Dźvie traciny ŚMI, što akredytavanyja na
11:01
Prapuskajuć u zału, dzie budzie
Stajać šyldački, chto dzie budzie siadzieć. Pieršyja dva šerahi addadzienyja pradstaŭnikaŭ rehijanalnych minskich i mahiloŭskich ŚMI. Pradstaŭniki centralnych dziaržaŭnych i niedziaržaŭnych ŚMI buduć siadzieć u apošnich šerahach.
Ad 12.00 u Nacyjanalnaj biblijatecy Alaksandr Łukašenka daje
Čakajecca, što ŭ mierapryjemstvie voźmie ŭdzieł amal 400 žurnalistaŭz bolš jak 300 biełaruskich dziaržaŭnych, niedziaržaŭnych, a taksama zamiežnych ŚMI, akredytavanych u Biełarusi. Heta rekordnaja kolkaść.
U toj ža čas
Upieršyniu ŭ historyi haziety karespandent «Našaj Nivy» taksama zaprošany na hetujupres-kanfierencyju .
Raniej našy karespandenty traplali tolki na
My pakul nie viedajem, ci zmoža jon vieści
Jany vyrazna vyłučajucca sa štodzionnaj infarmacyjnaj realnaści Biełarusi, u jakoj niama miesca palityčnamu pluralizmu i palemicy.Pres-kanfierencyi Alaksandra Łukašenki tradycyjna majuć charaktar lohkaha šou.
U krainie dahetul usie telekanały i radyjostancyi źjaŭlajucca srodkami masavaj prapahandy, a nie infarmacyi. Za apošnija 15 hadoŭ u ich nie źjaviłasia nivodnaha krytyčnaha na adras Alaksandra Łukašenki materyjału, jak nie było i nivodnaha niejtralnaha žurnalisckaha materyjału pra apazicyju.Farmalna jany ličacca dziaržaŭnymi, choć na samoj spravie dziejničajuć jak ŚMI adnaho čałavieka.
Adroźnieńnie ad savieckaha času tolki ŭ tym, što paralelna praciahvaje pracu nievialikaja kolkaść biełaruskich niezaležnych
