Učora, 14 lutaha, BRSM pastaviŭ kala viciebskaha amfiteatru stend z čyrvona‑zialonymi sardečkami. Minakam razdavali zahadzia narychtavanyja sardečki i prapanoŭvali napisać na ich pryznańni ŭ kachańni.
Tearetyčna pryznacca možna było kamu zaŭhodna. Adnak kali na stendzie źjavilisia «valancinki», adrasavanyja Paŭłu Sieviaryncu (na adnoj było napisana «Pavał Sieviaryniec — lepšy chłopiec na Biełarusi», a na druhoj — «Svabodu Paŭłu Sieviaryncu»), chtości z beeresemaŭscaŭ nieŭprykmiet źniaŭ «kramolnyja» sardečki sa stendu.