Da kanca 2007 hodu Ŭkraina planuje investavać kala 50 młn. dalaraŭ u rekanstrukcyju infrastruktury pa pryniaćci nafty ŭ ramkach ahulnaha ź Litvoj i Biełaruśsiu prajektu, jaki maje «zastrachavać» jaho ŭdzielnikaŭ ad vierahodnych naftavych blakadaŭ z boku Rasiei. Pra heta paviedamlaje hazeta «Kamersant‑Ukraina» z spasyłkaj na krynicu, jakaja zajmaje vysokuju pasadu ŭ departamencie naftavaj, hazavaj i naftapierapracoŭčaj pramysłovaści Minpalivaenerha.
Rekanstrujavać planujeccca naftabazy i čyhunačnyja estakažy pa pierahruzcy nafty, jakaja pastupaje ź Litvy. «Nasampierš, havorka idzie pra stvareńnie rezervuarnaha parku na Drahabyckim, Nadvirnianskim i Kramiančuhskim NPZ», — paviedamiła krynica ŭ ministerstvie.
Aficyjna ŭ kabinecie ministraŭ pra padrabiaznaści prajektu nie raskazvajuć. Adnak u presavaj słužbie vice‑premjera Ŭkrainy Andreja Klujeva paćvierdzili, što praca nad im prajektam sapraŭdy viadziecca.
Nahadajem, prezydent Litvy Vałdas Adamkus učora zajaviŭ, što Litva sumiesna z Ukrainaj i Biełaruśsiu raspracoŭvaje alternatyŭnuju systemu pastaŭki nafty dla taho, kab zabiaśpiečyć niezaležnaść hetych krainaŭ ad pastavak rasiejskaj syraviny.
