7 lutaha 1992 h. u niderlandzkim haradku Maastrycht lidery 12 dziaržavaŭ‑členaŭ Eŭrapiejskaj supolnaści padpisali Damovu ab stvareńni Eŭraźviazu.
Maastrychckaj damovaj byŭ stvorany Eŭraźviaz, jaki hruntujecca na troch Eŭrapiejskich supolnaściach. Akramia taho, Damova zakłała asnovy ekanamičnaha i manetarnaha sajuzu, u pryvatnaści pastupovaha pierachodu da adzinaj eŭrapiejskaj valuty (eŭra), jakaja z 2002 h. stała zamianiać nacyjanalnyja valuty.
Siarod inšych dasiahnieńniaŭ Damovy – umacavańnie roli Eŭrapiejskaha parlamentu, inicyjavańnie ahulnaj źniešniaj palityki i palityki biaśpieki EZ i intensyŭnaha supracoŭnictva ŭ sfery justycyi i ŭnutranych spravaŭ.
Papraŭki i dapaŭnieńni da Maastrychckaj damovy byli ŭniesienyja Amsterdamskaj (1997) i Nickaj (2001) damovami.
Na praciahu 15 hadoŭ z momantu padpisańnia Damovy ab Eŭrapiejskim źviazie EZ pašyryŭsia z 12 da 27 dziaržavaŭ.
