Karabinery ŭ Hienui trapili na śled 20‑hadovaha rumyna, uva ŭładańni jakoha znachodzicca 530 mašynaŭ.
Italjanskaja palicyja zacikaviłasia maładym čałaviekam, kali padčas darožnaha kantrolu ŭ roznych miascovaściach praktyčna ŭ toj samy čas byli zatrymanyja try mašyny, zarehistravanyja na adno i toje ž proźvišča.
Chutka vyśvietliłasia, što ŭładalnik ich nie strachavaŭ i nie płaciŭ za ich padatkaŭ. Da taho ž, kali pačałasia detalovaja pravierka, rumyn źnik biaź śledu i da hetaha času jaho nie adšukali.
Palicyja miarkuje, što rumyn pradavaŭ mašyny svaim ziemlakam, jakija nielehalna znachodziacca ŭ Italii. Hetkija ździełki jon pravodziŭ, kaniešnie ž, biaz «lišniaj biurakratyi» – biez udziełu dziaržaŭnaj kazny i h.d. Adnak śpiarša jamu ž treba było niejak nabyć mašyny i zarehistravać ich na siabie, i jašče nieviadoma, čamu čałaviek, jakomu naležyć bolš za paŭtysiačy mašynaŭ, tak doŭha nie źviartaŭ na siabie ŭvahi adpaviednych słužbaŭ.
