Budaŭnictva zavodaŭ pa pierapracoŭcy adchodaŭ płanujecca pačać u 2007 hodzie ŭ Homieli, Mahilovie, Minsku i Breście. Srodki na hetyja mety vydzieleny ź dziaržaŭnaha metavaha biudžetnaha fondu arhanizacyi zboru (narychtoŭki) i vykarystańnia adchodaŭ u jakaści druhasnaj syraviny zhodna z ukazam prezidenta Biełarusi ad 20 lutaha numar 93, jaki vyznačaje napramki i pamiery ich vykarystańnia ŭ biahučym hodzie, paviedamili BIEŁTA u pres‑słužbie kiraŭnika dziaržavy.
Zakonam «Ab biudžecie Respubliki Biełaruś na 2007 hod» dachody fondu ŭstanoŭleny ŭ pamiery Br20 młrd.
U biahučym hodzie srodki fondu buduć vykarystany pa 8 asnoŭnych napramkach. U ich liku vykanańnie ekśpierymientalnych, doślednych i prajektnych rabot, źviazanych sa zboram (narychtoŭkaj) i vykarystańniem adchodaŭ, realizacyja inviestycyjnych prajektaŭ, vykanańnie prahram abychodžańnia z adchodami, pavieličeńnie abjomaŭ narychtovak druhasnaj syraviny.
Častka srodkaŭ budzie nakiravana na raźvićcio materyjalna‑techničnaj bazy arhanizacyj, jakija ažyćciaŭlajuć dziejnaść pa abychodžańniu z adchodami, i ich asnaščeńnie narychtoŭčymi punktami i kantejnierami dla raździelnaha zboru druhasnaj syraviny, sartavalnymi linijami, pierasovačnymi pryjomnymi punktami, śpiecaŭtatranspartam, viertykalnymi i kanalnymi presami.
Za košt srodkaŭ fondu buduć taksama pakryvacca zatraty arhanizacyjam Minžyłkamhasa, Biełkaapsajuza, dziaržaŭnaha handlova‑vytvorčaha abjadnańnia «Biełresursy» i inšym arhanizacyjam na praviadzieńnie raździelnaha zboru druhasnaj syraviny.
