Daškievič dasłaŭ čarhovy list:

Vielmi siońnia radasny dzień – atrymaŭ cełuju, nikolki nie padranuju «Našu Nivu». Peŭna spracavaŭ tut admysłovy našaniŭski kanvercik. Vialiki dziakuj!

U mianie ŭsio dobra. Druhi tydzień jak nie vyklikajuć u administracyju, što praciahvaje mianie radavać. A paśla vizytu baćkoŭ, dyk i listy pačali addavać. Siońnia, darečy, pieršy raz za apošnija paru miesiacaŭ pryśniŭ baćkoŭski dom. I to niejak karocieńka i ćmiana.

Za mianie nie chvalujciesia – całkam narmalna siabie adčuvaju. Dapamahaje, što tut šmat ludziej, katoryja mianie padtrymlivajuć Tamu nia viercie, kali pračytajecie ŭ «Saŭbielii», što biełaruski narod nia lubić apazycyju – voś jon, heny narod, apazycyju apranaje i kormić, što pravierana mnoju na ŭłasnym dośviedzie. Ja, ščyra kažučy, navat i nie čakaŭ takoha dobraha staŭleńnia z boku asudžanych. Bo taksama žyŭ niejkimi stereatypami pra zonu, jak zbrod ludziej najhoršych, ale tut nia ŭsio tak adnaznačna. Nu što tut chacieć? – adsotkaŭ kala 20 majuć vyšejšuju adukacyju.

Nakont pracy, aficyjna ja prymacavany da bryhady, jakaja viaža sietki (miachi dla bulby ihd). U volny čas zajmajusia samaadukacyjaj dy na listy adkazvaju.

Pra svaje ŭmovy i pryhody pisać nia budu admysłova – dadzim šaniec listu dajści :)

Клас
Панылы сорам
Ха-ха
Ого
Сумна
Абуральна